भारतसह ‘महाराष्ट्र’ही क्रिकेटच्या टॅलेंटची खाण म्हणून ओळखली जाते. याआधीही येथील अनेक तरुणांनी टीम इंडियाच्या वरिष्ठ खेळाडूंना आंतरराष्ट्रीय क्रिकेटमध्ये आव्हान दिले आहे. आता अवघ्या 17 वर्षाच्या नाशिकच्या साहिलने अंडर-19 संघात धुमाकूळ घातला आहे. भारताच्या अंडर-19 संघाचा भाग असलेल्या साहिल पारखची खेळी पाहता भारतातील क्रिकेटचे भवितव्य सुरक्षित दिसत आहे. ऑस्‍ट्रेलियाविरुद्धच्‍या एक दिवसीय सामन्यात साहिलने शतकी खेळी करत भारताचा विजयाचा मार्ग सुककर बनवला. त्याच्या या अप्रतिम कामगिरीमुळे त्याला सामनावीर या किताबाने गौरविले.
सध्या भारताचा अंडर-19 संघ ऑस्ट्रेलियाविरुद्ध एकदिवसीय मालिका खेळत आहे. टीम इंडियाने सोमवारी (23 सप्टेंबर) कांगारू संघाचा 9 गडी राखून पराभव केला. या विजयाचे श्रेय साहिल पारखला जाते. त्याचे धडाकेबाज शतक पाहून सगळेच आश्चर्यचकित झाले. भारताचा सलामीवीर साहिल पारखने 75 चेंडूत 109 धावा केल्या. दरम्यान त्याच्या बॅटमधून 14 चौकार आणि 5 षटकारही दिसले. टीम इंडियाच्या गब्बर शिखर धवनने नुकतीच निवृत्ती जाहीर केली. साहिलही त्याच शैलीत फलंदाजी करताना दिसला. डावखुरा सलामीवीर साहिलने एकामागून एक जोरदार फटके मारले.
एकदिवसीय मालिकेतील पहिला सामना भारताने 7 गडी राखून जिंकला. करा किंवा मरो या सामन्यात प्रथम फलंदाजी करण्यासाठी आलेल्या ऑस्ट्रेलियन संघाला स्कोअरबोर्डवर केवळ 176 धावाच लावता आल्या. प्रत्युत्तरात युवा सलामीवीर साहिलच्या झंझावाती खेळीमुळे टीम इंडियाने अवघ्या 22 षटकांत लक्ष्य गाठले. भारताने मालिकेत 2-0 अशी आघाडी घेतली आहे.
टीम इंडियाच्या युवा खेळाडूंकडून उत्कृष्ट गोलंदाजी पाहायला मिळाली. समर्थ नागराजने 2, लेगस्पिनर मोहम्मद इनानने 2 विकेट्स घेतल्या, तर ऑफस्पिनर किरण चोरमलेने देखील तेवढ्याच विकेट घेतल्या. ऑस्ट्रेलियाकडून एडिसन शेरीफने 61 चेंडूंत दोन चौकारांच्या मदतीने सर्वाधिक 39 धावा केल्या. कोणताही फलंदाज अर्धशतक झळकावण्यात यशस्वी होऊ शकतो.
हेही वाचा-
‘मी त्याच्यासारखा कर्णधार..’, आकाश दीपचे रोहित शर्माबाबत लक्षवेधी वक्तव्य!
ind vs ban; हे 4 मोठे विक्रम आर अश्विन दुसऱ्या सामन्यात आपल्या नावे करू शकतो
LLC 2024; गब्बरच्या संघाचा दारूण पराभव; दिनेश कार्तिकच्या सदर्न सुपर स्टार्सचा दबदबा
