Bad record of Sai Sudharsan: भारत आणि इंग्लंड यांच्यात खेळल्या जात असलेल्या 5 सामन्यांच्या कसोटी मालिकेतील चौथा सामना 23 जुलैपासून मँचेस्टरमध्ये खेळला जात आहे. भारताकडून पहिल्या डावात अर्धशतक झळकावणारा साई सुदर्शन दुसऱ्या डावात खाते न उघडताच तंबूत परतला. यासोबतच सुदर्शनच्या नावावर एक नकोसा रेकाॅर्ड झाला आहे. असे करणारा तो पहिला भारतीय क्रिकेटर बनला. याआधी कोणत्याही भारतीय खेळाडूच्या नावावर हा लाजिरवाणा रेकाॅर्ड नोंदवला नव्हता. (Sai Sudharsan golden duck)
साई सुदर्शनने पहिल्या डावात संयमी फलंदाजी केली आणि अर्धशतकही झळकावले. त्याने 151 चेंडूंमध्ये 61 धावांची शानदार खेळी केली. मात्र, तो दुसऱ्या डावात भारतासाठी चांगली कामगिरी करू शकला नाही आणि तो गोल्डन डकचा बळी ठरला. शून्यावर बाद होताच त्याच्या नावावर एक नकोसा रेकार्ड नोंदवला गेला. आता सुदर्शन भारताचा असा पहिला टॉप-ऑर्डर फलंदाज बनला आहे, ज्याने आपल्या सुरुवातीच्या 2 कसोटी सामन्यांच्या पहिल्या डावात खाते उघडले नाही. विशेष म्हणजे, सुदर्शन आपल्या पहिल्या सामन्याच्या पहिल्या डावातही 0 धावांवर बाद झाला होता. त्याच्या नावावर आता इतिहासाच्या पानांवर हा लाजिरवाणा रेकाॅर्ड नोंदवला गेला आहे. (First Indian top order batsman golden duck)
मँचेस्टरमध्ये खेळल्या जात असलेल्या चौथ्या कसोटी सामन्यात भारतीय संघाला दुसऱ्या डावात उत्कृष्ट फलंदाजीची गरज होती. पण सुदर्शन संघासाठी योगदान देऊ शकला नाही. पहिल्या षटकातील पाचव्या चेंडूवर त्याने चेंडू सोडण्याचा प्रयत्न केला, पण डाव्या हाताचा फलंदाज त्यात यशस्वी होऊ शकला नाही आणि चेंडू बॅटची कड घेऊन हॅरी ब्रूकच्या हातात गेला. त्याला ख्रिस वोक्सने आपल्या गोलंदाजीच्या जाळ्यात अडकवले. (Chris Woakes wicket)
सुदर्शन व्यतिरिक्त सलामीवीर यशस्वी जयस्वाललाही विशेष कमाल दाखवता आली नाही. तो देखील खाते न उघडता बाद झाला होता. यानंतर केएल राहुल आणि शुबमन गिलने डावाला सावरले. दोघांनी शतकी भागीदारीही केली. (KL Rahul Shubman Gill partnership)
