इंग्लंडविरुद्धच्या मालिकेतील पाचव्या कसोटी सामन्यात शुक्रवारी भारतीय संघाने पहिल्या डावात ९८ धावांवर ५ विकेट गमावल्या. उजव्या हाताचा फलंदाज श्रेयस अय्यर संघाची ५वी विकेट म्हणून पॅव्हेलियनमध्ये परतला, जो अनुभवी वेगवान गोलंदाज जेम्स अँडरसनच्या विकेटमागे सॅम बिलिंग्सने झेलबाद झाला. बिलिंग्जने डायव्हिंग केले आणि एका हाताने हा झेल घेतला, ज्यामुळे अय्यरचा डाव १५ धावांवर संपला.
एजबॅस्टन येथे झालेल्या या कसोटी सामन्यात इंग्लंडचा कर्णधार बेन स्टोक्सने नाणेफेक जिंकून भारताला प्रथम फलंदाजीसाठी आमंत्रित केले. भारताची सुरुवात खास नव्हती आणि वेळोवेळी त्याच्या विकेट पडत राहिल्या. शुभमन गिल १७ आणि अनुभवी कसोटी फलंदाज चेतेश्वर पुजारा १३ धावा करून पॅव्हेलियनमध्ये परतले. माजी कर्णधार विराट कोहलीकडून अपेक्षा होत्या पण तोही ११ धावा करून मॅथ्यू पॉट्सचा बळी गेला. हनुमा विहारीने २० धावांचे योगदान दिले.
मुंबईत राहणारा २७ वर्षीय श्रेयस अय्यर सहाव्या क्रमांकावर फलंदाजीसाठी आला. त्याने ११ चेंडूत ३ चौकारांच्या मदतीने १५ धावा केल्या. इंग्लंडचा अनुभवी वेगवान गोलंदाज जेम्स अँडरसनने त्याला डावाच्या २८व्या षटकात पॅव्हेलियनचा रस्ता दाखवला.
अय्यरने लेग साइडकडे जाणारा चेंडू मारला आणि सॅम बिलिंग्सने झेल घेण्यात कोणतीही चूक केली नाही. त्याने डायव्हिंग करून एका हाताने झेल घेतला आणि ९८ धावांच्या सांघिक धावसंख्येवर भारताची ५वी विकेट पडली. सामन्याच्या पहिल्या दिवशी पावसामुळे बरीच षटके खेळली गेली. त्यानंतर मात्र रिषभ पंत आणि रविंंद्र जडेडा यांनी खेळी सावरत २२२ धावांची भागिदारी केली. यात रिषभ पंतने १४८ धावा करून तो बाद झाला. तर, जडेजा अजूनही अर्धशतकी खेळी करत फलंदाजी करत आहे.
महास्पोर्ट्सचा व्हॉट्सअप ग्रुप जॉईन करण्यासाठी येथे क्लिक करा
महत्वाच्या बातम्या-
पंतने एका दगडात मारले तीन पक्षी! शतक झळकावत ठरलाय धोनीपेक्षाही महान
अवघ्या चोविसाव्या वर्षी रिषभ पंतने मोडला मास्टर ब्लास्टर सचिनचा ‘हा’ विक्रम, वाचा एका क्लिकवर
ICC WTC। श्रीलंकेला हरवत ऑस्ट्रेलियाने आपले पहिले स्थान ठेवले अबाधित, पाहा भारत कितव्या स्थानावर
