पुणे: पुणे मेट्रोपॉलिटन जिल्हा टेनिस संघटना(पीएमडीटीए) यांच्या तर्फे आयोजित व एमएसएलटीए आणि एआयटीए यांच्या मान्यतेखाली होत असलेल्या एमएसएलटीए-पीएमडीटीए अखिल भारतीय मानांकन 18वर्षांखालील चॅम्पियनशिप सिरीज टेनिस अजिंक्यपद स्पर्धेत एकेरीत मुलांच्या गटात सार्थ बनसोडे, सिद्धार्थ मराठे, ओमर सुमर यांनी तर, मुलींच्या गटात श्रावणी खवळे या खेळाडूंनी मानांकित खेळाडूंवर विजय मिळवत स्पर्धेच्या उपांत्य फेरीत प्रवेश केला.
एमएसएलटीए टेनिस कॉम्प्लेक्स, म्हाळुंगे बालेवाडी या ठिकाणी सुरु असलेल्या या स्पर्धेत एकेरीत मुख्य ड्रॉच्या उपांत्यपूर्व फेरीत मुलांच्या गटात बिगरमानांकीत सार्थ बनसोडे याने आपली अनपेक्षित निकालाची मालिका कायम ठेवत अव्वल मानांकित जय पवारचा टायब्रेकमध्ये 7-6(5), 6-4 असा पराभव करून खळबळजनक निकालाची नोंद केली. बिगरमानांकीत सिद्धार्थ मराठेने आणखी एक मानांकित खेळाडू तिसऱ्या मानांकित अर्जुन अभ्यंकरचा 6-0, 6-1असा सहज पराभव करून दिमाखात उपांत्य फेरी गाठली. चौथ्या मानांकित निशित रहाणे याने पाचव्या मानांकित प्रणव गाडगीळचा 6-1, 7-5 असा तर, सातव्या मानांकित ओमर सुमरने दुसऱ्या मानांकित साहिल तांबटचा 6-1, 6-2 असा पराभव करून उपांत्य फेरीत धडक मारली.
मुलींच्या गटात क्वालिफायर श्रावणी खवळे हिने तिसऱ्या मानांकित सिया प्रसादेचे आव्हान 6-2, 6-4 असे संपुष्टात आणले. पात्रता फेरीतून मुख्य फेरीत प्रवेश केलेल्या पुण्याच्या देवांशी प्रभुदेसाईने श्रेया पठारेचा 6-2, 6-1 असा तर, श्रावणी देशमुखने सिद्धी खोतचा 6-1, 6-2 असा सहज पराभव करून आगेकूच केली. दुसऱ्या मानांकित आन्या जेकब हिने पाचव्या मानांकित धनवी काळेला 6-2, 6-0 असे पराभूत केले.
दुहेरीत मुलांच्या गटात जय पवार व सिद्धार्थ मराठे यांनी ओजस दबस व साहिल तांबट या अव्वल मानांकित जोडीचा 6-2, 6-2 असा पराभव केला. मुलींच्या गटात सोहा पाटील व सिद्धी खोत यांनी अव्वल मानांकित जेएस श्रीया व निशिता देसाई यांचा 6-2, 6-3 असा सरळ सेटमध्ये पराभव केला. देवांशी प्रभुदेसाईने सिया प्रसादेच्या साथीत हिया मेहता व आर्शीन सप्पल या तिसऱ्या मानांकित जोडीचा 6-1, 6-2 असा पराभव केला.
वैष्णवी सिंग व श्रुती नानजकर या जोडीने संचिता नगरकर व अलिना शेख या दुसऱ्या मानांकित जोडीचा 6-1, 6-4 असा पराभव करून उपांत्य फेरी गाठली.
निकाल: मुली: उपांत्यपूर्व फेरी:
देवांशी प्रभुदेसाई वि.वि.श्रेया पठारे 6-2, 6-1;
श्रावणी देशमुख वि.वि.सिद्धी खोत 6-1, 6-2;
श्रावणी खवळे वि.वि.सिया प्रसादे[3] 6-2, 6-4;
आन्या जेकब[2] वि.वि.धनवी काळे[5] 6-2, 6-0;
मुले:
सार्थ बनसोडे वि.वि.जय पवार[1]7-6(5), 6-4;
सिद्धार्थ मराठे वि.वि.अर्जुन अभ्यंकर[3] 6-0, 6-1;
निशित रहाणे[4]वि.वि.प्रणव गाडगीळ[5] 6-1, 7-5;
ओमर सुमर[7] वि.वि.साहिल तांबट[2]6-1, 6-2;
दुहेरी गट: मुले:
जय पवार/सिद्धार्थ मराठे वि.वि.ओजस दबस/साहिल तांबट[1] 6-2, 6-2;
आर्यन कोटस्थाने/ओमर सुमर[3]वि.वि.प्रद्युम्न तोमर/मनन चितानिया 7-6(8-6), 6-3;
अर्णव कोकणे/अनिश रांजलकर[4]वि.वि.राधेय शहाणे/नमित मिश्रा 6-1, 6-1;
सार्थ बनसोडे/अर्जुन अभ्यंकर[2]वि.वि.ओंकार शिंदे/अभिराम निलाखे 6-1, 7-6(4);
मुली:
सोहा पाटील/सिद्धी खोत वि.वि.जेएस श्रीया/निशिता देसाई[1] 6-2, 6-3;
देवांशी प्रभुदेसाई/सिया प्रसादे वि.वि.हिया मेहता/आर्शीन सप्पल[3] 6-1, 6-2;
रितिका मोरे/श्रेया पठारे[4] वि.वि.ध्रुवा माने/भक्ती मैंदरकर 6-3, 6-4;
वैष्णवी सिंग/श्रुती नानजकर वि.वि.संचिता नगरकर/अलिना शेख[2] 6-1, 6-4;
महास्पोर्ट्सचा व्हॉट्सअप ग्रूप जॉइन करण्यासाठी येथे क्लिक करा
महत्त्वाच्या बातम्या-
भारत मालिका गमावणार? दक्षिण आफ्रिकेचा ‘हा’ खेळाडू चौथ्या टी२०मध्ये करू दमदार शकतो पुनरागमन
‘कर्णधार’ हार्दिक मैदानात उतरताच ६३ वर्षांपूर्वीच्या इतिहासाची होणार पुनरावृत्ती, असेल पाचवा संघनायक
भारत विरुद्ध दक्षिण आफ्रिका चौथा टी२० सामना होऊ शकतो रद्द? हे आहे मोठे कारण
