विराटची विकेट खरं म्हणजे आफ्रिदीनं घेतलीये, वाचा काय आहे कनेक्शन

इंग्लंड आणि भारत यांच्यात मागच्या वर्षीच्या कसोटी मालिकेतील राहिलेला शेवटचा सामना सध्या खेळला जात आहे. १ जुलैपासून हा सामना बर्मिंघममध्ये सुरू झाला. माजी कर्णधार विराट कोहली या सामन्यातील पहिल्या डावात देखील अपयशी ठरला. विराटकडून चाहत्यांना मोठ्या खेळीची अपेक्षा होती, पण तसे झाले नाही. इंग्लंडचा वेगवान गोलंदाज मॅथ्यू पॉट्सने त्याला त्रिफळाचीत केले, परंतु पाकिस्तानी वेगवान गोलंदाज शाहीन आफ्रिदीशी विराटच्या या विकेटचा संबंध जोडला जात आहे.

विराटने इंग्लंडविरुद्धच्या या पाचव्या कसोटी सामन्यातील पहिल्या डावात ११ धावा करून विकेट गमावली. या धावा करण्यासाठी त्याने २५ चेंडू खेळले आणि २ चौकार देखील मारले. मॅथ्यू पॉट्स (Matthew Potts) पहिल्या डावाच्या २५ व्या षटकात गोलंदाजीसाठी आला होता. षटकातील दुसऱ्या चेंडू त्याने ऑफ स्टंपच्या बाहेर टाकला. विराट सुरुवातीला हा चेंडू खेळण्याच्या विचारात होता, पण नंतर ऐन वेळी त्याने चेंडू सोडण्याचा प्रयत्न केला. चेंडू सोडण्यासाठी विराटने बॅट वर करेपर्यंत चेंडू बॅटला लागून स्टंप्समध्ये घुसला. दरम्यान, ही पहिली वेळ नाहीये, जेव्हा विराटने अशा प्रकारे विकेट गमावली असेल. मागच्या अनेक महिन्यांपासून विराट अशा पद्धतीने बाद होत आला आहे.

EDGBASTON GOES POTTY! 🎉

Scorecard/Videos: https://t.co/jKoipF4U01

🏴󠁧󠁢󠁥󠁮󠁧󠁿 #ENGvIND 🇮🇳 pic.twitter.com/X5G3B2HsRU

— England Cricket (@englandcricket) July 1, 2022