क्रिकेट हा सर्वांचा आवडता खेळ असतो. लहान मुलांपासून ते मोठमोठ्या व्यक्ती रिकामा वेळ मिळाला की क्रिकेट खेळण्याला प्राधान्य देतात. बॉलिवूड स्टार्सदेखील बऱ्याचदा क्रिकेटचा आनंद लुटताना दिसतात. काही दिवसांपुर्वी बॉलिवूड अभिनेता आयुष्मान खुराना याचा क्रिकेट खेळतानाचा व्हिडिओ सोशल मीडियावर तूफान व्हायरल झाला होता. आता श्रीदेवीची मोठी कन्या व अभिनेत्री जान्हवी कपूर देखील शूटींगदरम्यान क्रिकेट खेळताना दिसली आहे. तिच्या या व्हिडिओने सोशल मीडियावर धुमाकूळ घातला आहे.
जान्हवी ही आता चंदिगडमध्ये ‘गूड लक जेरी’ या चित्रपटाची शूटिंग करत आहे. या शूटिंगदरम्यान मिळालेल्या रिकाम्या वेळेचा वापर करून तिने क्रिकेट खेळण्याचा आनंद लुटला आहे. नामांकित फोटोग्राफर विरल भयानी यांनी आपल्या इंस्टाग्राम अकाऊंटवर हा व्हिडिओ शेअर केला आहे, ज्यात जान्हवी क्रिकेटचा आनंद लुटताना दिसत आहे.
व्हिडिओमध्ये दिसत आहे की, जान्हवी पहिला चेंडू मिस करते. परंतु नंतरच्या दुसऱ्या, तिसऱ्या चेंडूवर ती जोरदार फटका मारते आणि तसेच या दोन फटक्यांचे सेलिब्रेशनही करते. स्क्रू मेंबर्ससोबत क्रिकेट खेळताना जान्हवी खूपच आनंदी दिसत आहे. या व्हिडिओमध्ये जान्हवी सलवार सुट घालून आरामात क्रिकेट खेळत आहे.
जान्हवीच्या फॅन्सनी तिच्या या व्हिडिओला खूप पसंती दर्शवली आहे. तसेच तिच्या फलंदाजीचे कौतुकही केले आहे.
https://www.instagram.com/p/CKqtLC8HkyT/?utm_source=ig_web_button_share_sheet
जेष्ठ बॉलिवूड अभिनेत्री श्रीदेवी यांची मुलगी जान्हवी हिने ‘धडक’ या चित्रपटातून बॉलिवूडमध्ये डेब्यू केला होता. या चित्रपटात तिने इशान खट्टर यांच्यासोबत मुख्य भूमिका निभावली होती. त्यानंतर तिने ओटीटीवर घोस्ट स्टोरीमध्ये एक चांगली भूमिका निभावून प्रेक्षकांची मने जिंकली होती. जान्हवी शेवटची ‘गुंजन सक्सेना’ या चित्रपटात दिसली होती. या चित्रपटात जान्हवीने भारतातील पहिली महिला पायलटची भूमिका साकारली होती. याव्यतिरिक्त जान्हवी करण जौहर यांच्या ‘तख्त’ या चित्रपटात दिसणार आहे. त्यानंतर ती ‘दोस्ताना 2’, ‘रूही अफजाना’ या चित्रपटांमधूनही प्रेक्षकांसमोर येणार आहे.
महत्त्वाच्या बातम्या-
द्रविडचा तो एक कॉल अन् रहाणेला सापडली कांगारूंना पराभूत करण्याची किल्ली
विरुष्काच्या लेकीचं नाव आहे खूप खास, जाणून घ्या ‘वामिका’ या नावाचा अर्थ
सानिया मिर्झाने स्पेशल पोस्ट शेअर करत पतीला दिल्या वाढदिवसाच्या शुभेच्छा, म्हणाली…