यंदाचा बॉर्डर-गावस्कर ट्रॉफीचा दुसरा सामना 6 डिसेंबरपासून ॲडलेडमध्ये खेळवला जाणार आहे. मात्र त्याआधी कॅनबेरा येथे भारत विरुद्ध पंतप्रधान इलेव्हन यांच्यातील सराव सामना होणार आहे. दरम्यान आता अशी संधी निर्माण झाली आहे की या सराव सामन्यात शुबमन गिल खेळताना दिसणार आहे. पर्थ कसोटीपूर्वी त्याच्या अंगठ्याला दुखापत झाली होती. त्यातून बरा झाल्यानंतर तो पुन्हा नेटमध्ये सराव करताना दिसला. दुखापतीतून सावरण्यासाठी गिलला 10-14 दिवसांचा अवधी मिळाला आणि आता गिल पूर्णपणे तंदुरुस्त असल्याचं दिसत आहे.
गिल कॅनबेरा येथील मैदानावर सराव करताना दिसला ज्यावर भारत विरुद्ध पंतप्रधान इलेव्हनचा सराव सामना खेळवला जाणार आहे. याआधी अनफिट असल्यामुळे तो दुसरी कसोटी खेळू शकणार नाही. अशी अटकळ बांधली जात होती. पण त्याचे नेटवर पुनरागमन ही भारतीय क्रिकेट चाहत्यांसाठी एक आनंदाची बातमी आहे. जर गिल सराव सामने खेळला तर तो ॲडलेडमध्ये होणाऱ्या गुलाबी चेंडूच्या कसोटी सामन्यात नक्कीच खेळताना दिसेल.
GREAT NEWS FOR TEAM INDIA…!!!
– Shubman Gill is batting in nets ahead of the Day & Night Test. [????: Rohit Juglan from RevSportz] pic.twitter.com/inKDdpFmat
— Johns. (@CricCrazyJohns) November 29, 2024
पहिल्या कसोटी सामन्यात देवदत्त पडिक्कलने शुभमन गिलची जागा घेतली होती. दुर्दैवाने, त्या सामन्यात पडिक्कलला अनुक्रमे 0 आणि 25 धावा करता आल्या. दरम्यान गिलने तिसरी क्रमवारी सोडून खालच्या क्रमाने फलंदाजी करावी, असा मुद्दाही पुढे आला आहे. तिसऱ्या क्रमांकाची जबाबदारी केएल राहुलकडे देण्यात यावी, कारण तो सध्या चांगल्या फॉर्ममध्ये आहे. केएल राहुलने पर्थ कसोटी सामन्यात 26 आणि 77 धावांची खेळी खेळली होती. पहिल्या डावातील त्याच्या 26 धावा खूप महत्त्वाच्या होत्या, कारण त्याचा डाव अशा वेळी आला जेव्हा टीम इंडिया 100 पेक्षा कमी धावांवर ऑलआऊट होण्याचा धोका होता.
???? THE RETURN OF SHUBMAN GILL ????
– Gill is likely to play in the 2nd Test against Australia. [Express Sports] pic.twitter.com/FgCMEGJ7GA
— Johns. (@CricCrazyJohns) November 29, 2024
हेही वाचा-
चॅम्पियन्स ट्रॉफी प्रकरणी आयसीसीकडे 3 पर्याय, पाकिस्तान बीसीसीआयपुढे झुकणार का?
“पलटन माझ्या हृदयात नेहमीच… “, मुंबई इंडियन्सपासून विभक्त झाल्यानंतर इशान किशन भावूक
पाकिस्तान चॅम्पियन्स ट्रॉफीचे यजमानपद गमावणार? लवकरच आयसीसीची निर्णायक बैठक
