इंग्लंडविरुद्धच्या कसोटी मालिकेतून बाहेर पडल्यानंतर शुबमनने बदलला ‘लूक’, पाहा फोटो

भारत विरुद्ध न्यूझीलंड यांच्यात झालेल्या विश्व कसोटी अजिंक्यपद स्पर्धेच्या अंतिम सामन्यात भारतीय संघाला पराभवाचा सामना करावा लागला होता. हा सामना झाल्यानंतर भारतीय संघाचा सलामीवीर फलंदाज शुबमन गिल गंभीर दुखापतग्रस्त असल्याचे समजले होते, ज्यामुळे त्याला इंग्लंड संघाविरुद्ध होणाऱ्या कसोटी मालिकेतून बाहेर करण्यात आले आहे. तो सध्या इंग्लंडमध्येच आहे. अशातच तो एका नवीन लूकमध्ये दिसून आला आहे, ज्याचे फोटो सध्या सोशल मीडियावर प्रचंड व्हायरल होत आहे.

येत्या ४ ऑगस्टपासून भारत आणि इंग्लंड या दोन्ही संघांमध्ये ५ कसोटी सामन्यांची मालिका रंगणार आहे. ही मालिका सुरू होण्यापूर्वी शुबमन गिलच्या नवीन लूकने सोशल मीडियावर धुमाकूळ घातला आहे. त्याच्या हटके लूकचे फोटो कोलकाता नाईट रायडर्स फ्रँचाइजीने आपल्या सोशल मीडिया अकाऊंटवर एक केले आहेत. त्यांनी दोन फोटो शेअर केले आहेत. ज्यामध्ये त्यांनी चाहत्यांना असा प्रश्न विचारला आहे की, तुम्हाला यापैकी तुम्हाला कुठला लूक आवडला? ज्यावर चाहते आपल्या प्रतिक्रिया देत आहेत. (Shubman gill new look, photos went viral on social media)

https://www.instagram.com/p/CRglVNXMHoO/?utm_medium=copy_link

आपल्या स्टाईल आणि लूक्समुळे नेहमीच चर्चेत राहणाऱ्या गिलने हे फोटो आपल्या इंस्टाग्राम स्टोरीला देखील शेअर केले आहेत. तो सध्या इंग्लंडमध्येच असून भारतात केव्हा परतणार याबाबत कुठलाही निर्णय घेतला गेला नाही. गिल बाहेर झाल्यामुळे मयंक अगरवाल आणि केएल राहुल यांना कसोटी संघात पुनरागमन करण्याची संधी मिळू शकते. परंतु संघ व्यवस्थापकांची अशी इच्छा होती की, गिल बाहेर झाल्यानंतर त्याला पर्याय म्हणून पृथ्वी शॉ किंवा देवदत्त पडिक्कल यांना संधी मिळावी. पण निवड समितीने याला विरोध केला आहे. कारण भारतीय संघात अभिमन्यु ईश्वरनच्या स्वरूपात तिसरा सलामी फलंदाजही उपलब्ध आहे.

इंग्लंडविरुद्धची पाच सामन्यांची कसोटी मालिका
पहिली कसोटी- ४ ते ८ ऑगस्ट, नॉटिंघम
दुसरी कसोटी- १२ ते १६ ऑगस्ट, लॉर्ड्स
तिसरी कसोटी- २५ ते २९ ऑगस्ट, लीड्स
चौथी कसोटी- २ ते ६ सप्टेंबर, द ओव्हल
पाचवी कसोटी- १० ते १४ सप्टेंबर, मॅनचेस्टर

महत्त्वाच्या बातम्या-

वेगवान गोलंदाजाचा बनला अव्वल फिरकीपटू, टी२०त २७ धावांवर ४ विकेट्स घेत विरोधकांना केले ढेर

शिल्पा शेट्टीचा पती राज कुंद्राला अटक, सट्टेबाजीमुळे आयपीएलमधूनही घालण्यात आलीय आजीवन बंदी

भुवनेश्वर-हार्दिकच्या जोडीवर सर्वांचे लक्ष, मनीष पांडेऐवजी ‘या’ युवा खेळाडूला मिळू शकते संधी