आधीच गुणतालिकेत तळात असणाऱ्या दिल्ली कॅपिटल्स संघाला बुधवारी (दि. 10 मे) मोठा धक्का बसला. आयपीएल 2023च्या 55व्या सामन्यात चेन्नई सुपर किंग्स वि. दिल्ली कॅपिटल्स संघ आमने-सामने होते. चेन्नईच्या एमए चिदंबरम या स्टेडिअमवर पार पडलेल्या या सामन्यात सीएसके संघाने दमदार विजय मिळवा. सीएसकेने दिल्लीला 27 धावांच्या फरकाने पराभवाचा धक्का दिला. या पराभवामुळे दिल्ली 13 वर्षांनंतरही चेन्नईच्या घरच्या मैदानावर विजय मिळवण्यात अपयशी ठरला. या पराभवासह दिल्लीचे हंगामातील आव्हानही जवळपास संपुष्टात आले. या पराभवानंतर डेविड वॉर्नरने मोठी प्रतिक्रिया दिली.
काय म्हणाला वॉर्नर?
आयपीएल 2023च्या प्ले-ऑफच्या शर्यतीतून जवळपास बाहेर झालेला दिल्ली कॅपिटल्स (Delhi Capitals) संघाने पराभवानंतर म्हटले की, सीएसकेचे आव्हान सहजरीत्या पार करू शकत होते. कर्णधार डेविड वॉर्नर (David Warner) म्हणाला की, “पॉवरप्लेमध्ये 3 विकेट्स पडल्यानंतरच आम्ही सामना पराभूत झालो होतो. हा पाचवी किंवा सहावी वेळ आहे, जेव्हा आम्ही पहिल्या षटकातच विकेट गमावली आहे. आमचे फलंदाज दुर्दैवीरीत्या धावबादही झाले. हे एक असे आव्हान होते, जे पार केले जाऊ शकत होते.”
पुढे बोलताना वॉर्नर म्हणाला की, “आम्हाला फक्त चांगल्या सुरुवातीचा गरज होती आणि कोणत्याही एका फलंदाजाला टिकून फलंदाजी करायची होती. मधल्या षटकात तर आम्ही स्ट्राईकही बदलू शकत नव्हतो. आम्हाला कमकुवत चेंडूंना मारायचे होते, तुम्ही त्यांना सोडू शकत नाहीत.”
दिल्लीचा दारुण पराभव
या सामन्यात नाणेफेक जिंकून सीएसकेने निर्धारित 20 षटकात 8 विकेट्स गमावत 167 धावा केल्या होत्या. या आव्हानाचा पाठलाग करताना दिल्ली संघ 20 षटकात 8 विकेट्स गमावत 140 धावाच करू शकला. त्यामुळे हा सामना सीएसकेने 27 धावांनी जिंकला. या सामन्यातील अष्टपैलू कामगिरीसाठी जडेजाला सामनावीर पुरस्काराने गौरवण्यात आले.
या विजयासह चेन्नई सुपर किंग्स (Chennai Super Kings) संघाने 15 गुण मिळवत गुणतालिकेतील दुसरे स्थान मजबूत केले. आता उरलेल्या दोन सामन्यांपैकी एक सामना जरी चेन्नईने जिंकला, तर तो अंतिम चार संघात पोहोचेल. दुसरीकडे, दिल्ली 11 सामन्यात फक्त 8 गुण मिळवत अखेरच्या स्थानी आहे. तसेच, दिल्लीच्या प्ले-ऑफमध्ये पोहोचण्याच्या आशाही जवळपास संपुष्टात आल्या आहेत. (skipper david warner said dc lost the match only after three wickets fell in the powerplay)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
आधीच खराब फॉर्म, त्यात विंडीजचा दिग्गज रोहितला म्हणतोय, ‘तू WTC फायनल खेळूच नको…’
अनुष्कासाठी चुकीचा शब्द वापरणाऱ्या पॅपराजीला विराटचे मजेशीर उत्तर, व्हिडिओ तुफान व्हायरल
