India vs England 1st T20: भारतीय महिला संघाने इंग्लंड दौऱ्याची सुरुवात शानदार केली. संघाने पहिल्याच सामन्यात एकतर्फी विजय मिळवला. 5 सामन्यांच्या टी20 मालिकेतील पहिला सामना त्यांनी 97 धावांनी जिंकला. नॉटिंगहॅमच्या मैदानावर खेळल्या गेलेल्या मालिकेतील पहिल्या सामन्यात भारतीय संघाने प्रथम फलंदाजी करताना कर्णधार स्मृती मानधनाच्या शानदार शतकी खेळीच्या जोरावर 20 षटकात 5 गडी गमावून 210 धावा केल्या होत्या. या लक्ष्याचा पाठलाग करताना इंग्लंड महिला संघ 14.5 षटकात 113 धावांवरच गारद झाला. भारताकडून गोलंदाजीत श्री चरणीने सर्वाधिक 4 विकेट्स घेतल्या. (Shree Charani 4 wickets)
नॉटिंगहॅममध्ये खेळल्या गेलेल्या मालिकेतील पहिल्या टी20 सामन्यात इंग्लंड महिला संघाला त्यांच्या टी20 आंतरराष्ट्रीय इतिहासातील धावांच्या फरकाने सर्वात मोठ्या पराभवाला सामोरे जावे लागले आहे. (England Women’s biggest T20I defeat) या सामन्यात लक्ष्याचा पाठलाग करताना इंग्लंडचा संघ भारतीय गोलंदाजांवर एकदाही दबाव निर्माण करू शकला नाही. इंग्लंडची कर्णधार नॅट सायव्हर ब्रंटच्या 66 धावांच्या खेळीव्यतिरिक्त इतर कोणतीही फलंदाज जास्त काळ मैदानावर टिकू शकली नाही. भारताकडून श्री चरणीने 4 विकेट्स घेतल्या, तर दीप्ती शर्मा आणि राधा यादव यांनी प्रत्येकी 2 विकेट्स मिळवल्या.
स्मृती मानधनाच्या नेतृत्वाखाली मालिकेतील पहिला टी20 सामना खेळायला उतरलेल्या भारतीय महिला संघाचा हा टी20 आंतरराष्ट्रीयमधील धावांच्या फरकाने चौथा सर्वात मोठा विजय आहे. (Indian women’s cricket records) या सामन्यातील भारतीय संघाच्या फलंदाजीच्या कामगिरीबद्दल बोलायचे झाल्यास, कर्णधार मानधनाने 112 धावांची दमदार खेळी केली. (Smriti Mandhana century) तर हरलीन देओलने 43 धावांचे योगदान दिले. आता दोन्ही संघांमधील मालिकेतील दुसरा सामना 1 जुलै रोजी ब्रिस्टलच्या मैदानावर खेळला जाईल. (India Women vs England Women T20)
