वूमन्स प्रीमियर लीगच्या चौथ्या मोसमातील अंतिम सामन्यात रॉयल चॅलेंजर्स बंगळुरुने दिल्ली कॅपिट्ल्सला पराभूत करून विजेतेपद जिंकले. 204 धावांचे आव्हान आरसीबीने 2 चेंडू आधी आणि 4 विकेट्स गमावून पूर्ण केले.
आरसीबीच्या विजयाची नायक होती कॅप्टन स्मृती मानधना. या सामन्यात स्मृतीने 41 चेंडूत 87 धावा केल्या, त्यात 3 षटकार आणि 12 चौकार समाविष्ट होते. जॉर्जिया वॉलसोबत दुसऱ्या विकेटसाठी 92 चेंडूत 165 धावांची भागीदारी करत टीमला मजबूत पाया दिला. स्मृतीने 53 वी धाव करताच इतिहास घडला, तिने चौथ्या मोसमातील सर्वाधिक धावांची नोंद करून ऑरेंज कॅप आपल्या नावावर केली.
स्मृतीने या मोसमात 9 सामन्यांतील 9 डावांत सरासरी 53.86 आणि स्ट्राईक रेट 153.25ने एकूण 377 धावा केल्या, . यामध्ये 57 चौकार आणि 9 षटकारांचा समावेश होता. यामुळे तिने मुंबई इंडियन्सची कॅप्टन हरमनप्रीत कौरचा विक्रम मोडला आणि एक विक्रमाची बरोबरी केली.
कॅप्टन म्हणून स्मृतीने आरसीबीला दुसऱ्यांदा WPL ट्रॉफी जिंकून दिली; आधी ती 2024 मध्ये यशस्वी झाली होती, तर हरमनप्रीतने मुंबई इंडियन्सला 2023 आणि 2025 मध्ये विजेते केले होते.
दरम्यान, ही RCB फ्रँचायजीची एकूण तिसरी ट्रॉफी ठरली. आधी 18व्या IPL मोसमात (IPL 2025) रजत पाटीदारच्या नेतृत्वाखाली आरसीबीने प्रथम आयपीएल विजेतेपद मिळवले होते, जेव्हा त्याने श्रेयस अय्यरच्या पंजाब किंग्सला पराभूत केले.
