पुरुषांच्या संघाप्रमाणेच, आता दक्षिण South Africa आफ्रिकेच्या महिला Womens Cricket संघालाही ‘चोकर्स’ Chokers हे लेबल मिळाले आहे. आयसीसी (ICC) स्पर्धांमध्ये प्रभावी कामगिरी करून आणि गट-फेरीतील Group-Stage महत्त्वाचे सामने जिंकूनही, हा संघ नॉकआउट फेरीत वारंवार अपयशी ठरतो.
काल, उपांत्य फेरीत इंग्लंडकडून पराभव पत्करल्यामुळे दक्षिण आफ्रिकेचा महिला संघ आयसीसी महिला टी-20 विश्वचषकातून T20 World Cup 2026 बाहेर पडला. मात्र, ही काही पहिलीच वेळ नाही, यापूर्वीही दोन टी-20 विश्वचषकांच्या अंतिम फेरीत धडक मारूनही संघाला विजेतेपद मिळवण्यात अपयश आले होते.
गेल्या चार वर्षांतील आयसीसी स्पर्धांमधील ICC Tournament पुरुष आणि महिला संघांच्या कामगिरीवर नजर टाकल्यास असे दिसून येते की, दक्षिण आफ्रिकेला नॉकआउट सामन्यांमध्ये आठ वेळा पराभवाचा सामना करावा लागला आहे. या दरम्यान त्यांनी ‘वर्ल्ड टेस्ट चॅम्पियनशिप’ WTC जिंकून एक आयसीसी विजेतेपद मिळवले असले तरी, मर्यादित षटकांच्या क्रिकेटमधील त्यांचे विजेतेपदाचे दुष्काळ मात्र कायम आहे.
महिला संघाने 4 वर्षांत 3 अंतिम सामने खेळले
2023 ते 2026 या काळात, दक्षिण आफ्रिकेच्या महिला संघाने तीन अंतिम सामने आणि एक उपांत्य सामना गमावला.
इंग्लंडविरुद्धच्या पराभवापूर्वी, त्यांना 2025 च्या महिला एकदिवसीय विश्वचषकाच्या अंतिम फेरीत भारताकडून पराभव स्वीकारावा लागला होता. त्याआधी, 2024 च्या महिला टी-20 विश्वचषकाच्या अंतिम फेरीत न्यूझीलंडने आणि 2023 च्या महिला टी-20 विश्वचषकाच्या अंतिम फेरीत ऑस्ट्रेलियाने त्यांना हरवले होते.
दक्षिण आफ्रिका महिला संघाची नॉकआउट कामगिरी:
2023 महिला टी-20 विश्वचषक – अंतिम सामना
2024 महिला टी-20 विश्वचषक – अंतिम सामना
2025 महिला एकदिवसीय विश्वचषक – अंतिम सामना
2026 महिला टी-20 विश्वचषक – उपांत्य सामना
गेल्या चार वर्षांत, आयसीसी स्पर्धांमधील दक्षिण आफ्रिकेच्या पुरुष संघाची नॉकआउट कामगिरीही फारशी प्रभावी राहिलेली नाही. 2025मध्ये ऑस्ट्रेलियाचा पराभव करून त्यांनी ‘वर्ल्ड टेस्ट चॅम्पियनशिप’ (WTC) जिंकली आणि आपली पहिली-वहिली आयसीसी (ICC) ट्रॉफी पटकावली. मात्र, मर्यादित षटकांच्या क्रिकेटमध्ये या संघाला एका अंतिम सामन्यात आणि तीन उपांत्य सामन्यांत पराभवाचा सामना करावा लागला.
दक्षिण आफ्रिकेचा संघ 2024च्या टी-20 विश्वचषकाच्या अंतिम सामन्यात भारताकडून पराभूत झाला. तर 2026च्या टी-20 विश्वचषकात त्यांना उपांत्य फेरीत पराभव पत्करावा लागला; तसेच 2023चा एकदिवसीय विश्वचषक आणि 2025 ची चॅम्पियन्स ट्रॉफी या स्पर्धांमधील त्यांची वाटचालही उपांत्य फेरीतच थांबली.
दक्षिण आफ्रिकेच्या पुरुष संघाची नॉकआउट कामगिरी:
2023 एकदिवसीय विश्वचषक – उपांत्य फेरी
2024 टी-20 विश्वचषक – अंतिम सामना
2025 चॅम्पियन्स ट्रॉफी – उपांत्य फेरी
2025 वर्ल्ड टेस्ट चॅम्पियनशिप (WTC) – विजेते
2026 टी-20 विश्वचषक – उपांत्य फेरी
गेल्या चार वर्षांत दक्षिण आफ्रिकेचे पुरुष आणि महिला संघ आयसीसी स्पर्धांच्या नॉकआउट फेरीत वारंवार पोहोचले असले तरी, निर्णायक क्षणी त्यांना आलेल्या अपयशामुळे क्रिकेट विश्वात पुन्हा एकदा या दोन्ही संघांना ‘चोकर्स’ (महत्त्वाच्या क्षणी अपयशी ठरणारे) ही उपाधी मिळण्याची चर्चा सुरू झाली आहे.
