‘तो काही चमत्कार करू शकणार नाही’, द्रविडने आणलेल्या खास माणसाबद्दल श्रीसंतचे लक्षवेधी भाष्य

नुकतेच भारतीय क्रिकेट संघाच्या मेंटल कंडिशनिंग कोच म्हणून पॅडी अप्टन यांची नियुक्ती करण्यात आली आहे. वेस्ट इंडिज दौऱ्यावर असलेल्या भारतीय संघासोबत अप्टन सहभागीही झाले आहेत. खुद्द बीसीसीआयने अप्टन यांचा फोटो सोशल मीडियावर शेअर करत याबद्दल माहिती दिली होती. यादरम्यान अप्टन यांच्या नियुक्तीच्या निर्णयावरून माजी भारतीय वेगवान गोलंदाज एस श्रीसंत याने चकित करणारी प्रतिक्रिया दिली आहे. आगामी टी२० विश्वचषकात भारतीय संघासोबत काम करताना अप्टन विशेष चमत्कार नाही करुन दाखवू शकणार, असे श्रीसंतने म्हटले आहे.

भारतीय संघाचे विद्यमान प्रशिक्षक राहुल द्रविड (Rahul Dravid) यांच्या शिफारशीनंतर टी२० विश्वचषक २०२२ पर्यंत (t20 World Cup 2022) अप्टन यांना मेंटल कंडिशनिंग कोच (Team India Mental Conditioning Coach) म्हणून संघासोबत जोडण्यात आले आहे. अप्टन यांनी यापूर्वीही भारतीय संघासोबत काम केले आहे. ते २०११ विश्वचषक विजेत्या भारतीय संघाच्या स्टाफचा भाग होते. तसेच आयपीएलमध्येही त्यांनी द्रविडसोबत काम केले आहे.

परंतु श्रीसंतला अप्टन यांच्या नियुक्तीने जास्त फरक पडणार नाही असे वाटते. श्रीसंतनेही (S Sreesanth) अप्टनसोबत (Paddy Upton) काम केले आहे. २०११ विश्वचषकावेळी तोदेखील भारतीय सघाचा भाग होता. तसेच आयपीएलमध्ये राजस्थान रॉयल्स संघात असतानाही अप्टन त्या संघाचे मेंटल कंडिशनिंग कोच होते.

https://twitter.com/BCCI/status/1551959058994761730?s=20&t=FvrKUWfGOOivqWjPIJAhkQ