सध्या ऑस्ट्रेलियामध्ये बिग बॅश लीग 2022-2023 खेळली जात आहे. या स्पर्धेत सध्या ऑस्ट्रेलियाचा अनुभवी फलंदाज स्टीव्ह स्मिथ अक्षरशः धुमाकूळ घालताना दिसतोय. सिडनी सिक्सर्स संघाचे प्रतिनिधित्व करत असलेला स्मिथ विरोधी गोलंदाजांवर तुटून पडला आहे. त्याने सलग तिसऱ्या सामन्यात आपल्या प्रतिभेची चुणूक दाखवत वेगवान अर्धशतक पूर्ण केले.
दक्षिण आफ्रिकेविरुद्धच्या कसोटी मालिकेत शानदार कामगिरी केल्यानंतर स्मिथ हा बिग बॅश खेळण्यासाठी दाखल झाला. पहिल्या सामन्यात तो 36 धावा करण्यात यशस्वी ठरलेला. मात्र, त्यानंतर सलग दोन सामन्यात त्याने शतके झळकावली. आधी 101 व त्यानंतर 125 धावांच्या खेळ्या करत त्याने आपण अद्यापही टी20 क्रिकेटमध्ये उत्कृष्ट कामगिरी करू शकतो हे सिद्ध केले.
Steven Smith scored 66 in just 33 balls with 4 fours and 6 sixes. Smith misses out on his 3rd consecutive century, he's in phenomenal touch.
Smith the run machine! pic.twitter.com/SZ9853LQqz
— Mufaddal Vohra (@mufaddal_vohra) January 23, 2023
सोमवारी (23 जानेवारी) होबार्ट हरिकेन्सविरूद्ध त्याने सलग तिसऱ्या सामन्यात अर्धशतक पूर्ण केले. त्याने 22 चेंडूवर अर्धशतक पूर्ण केलेले. त्यानंतर तो 33 चेंडूत 66 धावांची स्फोटक खेळी करत तंबूत परतला. यात 4 चौकार व 6 षटकारांचा समावेश होता. तो या सामन्यातही शतक झळकावण्यात यशस्वी ठरला असता तर, टी20 क्रिकेटमध्ये शतकांची हॅट्रिक करणारा पहिला फलंदाज बनला असता.
स्मिथने या सामन्यातील दुसऱ्या षटकातच आपला आक्रमक अंदाज दाखवला होता. जोएल पॅरिस टाकत असलेल्या या षटकातील दुसऱ्या चेंडूवर त्याने षटकार वसूल केला. मात्र, हा चेंडू नो बॉल ठरवला गेला. फ्री हिटवर पॅरिसने वाईड चेंडू टाकला. हा चेंडू यष्टीरक्षक वेड पकडू शकला नाही व चौकार मिळाला. त्यानंतर स्मिथने पुन्हा चौकार मारत एकाच चेंडूवर 16 धावा आपल्या नावे केल्या.
(Steve Smith Prime Form Continue In Big Bash League 2022 2023)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
रणजी सोडा आणि बुधवारपर्यंत रांचीत पोहोचा, पृथ्वी शॉसह ‘या’ खेळाडूंना बीसीसीआयचा आदेश
“सूर्या आणि बटलर कुठेही धावा करू शकतात,” स्वतः दिग्गज गोलंदाजानेच केलं कौतुक
