चेन्नई सुपर किंग्ज संघाचा डाव्या हाताचा आक्रमक फलंदाज सुरेश रैना हा सध्या आयपीएल २०२१ स्पर्धा स्थगित करण्यात आल्यामुळे आपल्या घरीच आहे. तो मिळालेल्या रिकाम्या वेळेचा पुरेपूर आनंद घेताना दिसून येत आहे. अशातच त्याचा एक व्हिडिओ सध्या सोशल मीडियावर प्रचंड व्हायरल होत आहे. ज्यामध्ये तो लुंगी घालून मस्ती करताना दिसून येत आहे.
सुरेश रैना हा सोशल मीडियावर प्रचंड ॲक्टिव असतो. तो अनेकदा व्हिडिओ शेअर करत चाहत्यांचे मनोरंजन करत असतो.त्याने नुकताच आपल्या इंस्टाग्राम अकाऊंटवर एक व्हिडिओ शेअर केला आहे. ज्यामधे तो लुंगी घालून मस्ती करत आहे. या व्हिडिओच्या बॅकग्राऊंडला त्याने ‘वाठी कमिंग’ हे गाणं टाकलं आहे. हा एक जुना व्हिडिओ आहे. त्याने या व्हिडिओला कॅप्शन देत लिहिले आहे की, “शूटिंगचे काही जुने दिवस आठवत आहेत. लवकरच पुन्हा एकदा सेटवर येऊ अशी अशा व्यक्त करतो.”
https://www.instagram.com/p/CPifnO1Bb3N/
आयपीएलचे उर्वरित सामने युएई मध्ये होणार…
आयपीएल २०२१ स्पर्धेतील पहिला टप्पा यशस्वीरित्या पार पडल्यानंतर दुसऱ्या टप्प्यात खेळाडूंना कोरोनाची लागण झाली होती. त्यामुळे ही स्पर्धा २९ सामन्यांनंतर अनिश्चित काळासाठी स्थगित करण्यात आली होती. पण २९ मे रोजी झालेल्या बीसीसीआयच्या बैठकीत निर्णय घेण्यात आला आहे की, आयपीएल स्पर्धेतील उर्वरित सामने सप्टेंबर-ऑक्टोबर महिन्यात युएईमध्ये खेळवण्यात येणार आहेत. त्यामुळे सुरेश रैना देखील एमएस धोनीसोबत खेळण्यासाठी उत्सुक आहे. धोनी आणि रैना हे दोघेही खूप चांगले मित्र आहेत. दोघांनीही एकाच दिवशी आंतरराष्ट्रीय क्रिकेटमधून निवृत्ती जाहीर केली होती.
आयपीएल २०२० स्पर्धेतून रैनाने घेतली होती माघार
आयपीएल २०२० स्पर्धा देखील युएईमध्ये खेळवण्यात आली होती. ही स्पर्धा सुरू होण्यापूर्वीच रैना माघारी परतला होता. अनेकांनी असे ही म्हटले होते की, चेन्नई सुपर किंग्ज संघाच्या संघ व्यवस्थापकांसोबत रैनाचा वाद झाला होता. परंतु रैनाने नंतर खुलासा करत म्हटले होते की, त्याने वैयक्तिक कारणांमुळे माघार घेतली होती.
महत्त्वाच्या बातम्या –
‘तर भारताला कोणीही पराभूत करु शकणार नाही’, अक्षर पटेलने सांगितले कारण
पंजाब किंग्जचा ‘हा’ खेळाडू अडकला विवाहबंधनात, खास कॅप्शन देत शेअर केले फोटो
न्यूझीलंडला कमी समजणे भारताला पडू शकते महागात, ‘या’ भारतीय दिग्गजाने दिला इशारा
