‘ब्लू जर्सी’त पुन्हा एकदा धमाका करणार सुरेश रैना, तेंडूलकरच्या कॅप्टन्सीखाली करणार पदार्पण!

माजी भारतीय क्रिकेटपटू आणि ‘मिस्टर आयपीएल’ सुरेश रैना याने मंगळवारी (06 सप्टेंबर) क्रिकेटच्या सर्व स्वरूपातून निवृत्ती जाहीर केली आहे. रैना 2020 मध्ये आंतरराष्ट्रीय क्रिकेटमधील निवृत्ती झाला होता. आता इंडियन प्रीमियर लीग (आयपीएल) आणि देशांतर्गत क्रिकेटमधूनही तो निवृत्त (Suresh Raina To Retire From IPL) झाला आहे. त्याने स्वत सोशल मीडियाद्वारे याबद्दल माहिती दिली आहे. यानंतर आता रैना निळ्या जर्सीत दिसू शकतो.

35 वर्षीय रैनाने आयपीएलला रामराम ठोकत फक्त देश-परदेशातील टी20 लीग खेळण्याचे मन बनवले आहे. एका वृत्तपत्राशी (दैनिक जागरण) बोलताना स्वत: रैनाने याबद्दल माहिती दिली आहे. तो 10 सप्टेंबरपासून सुरू होणाऱ्या रोड सेफ्टी वर्ल्ड सीरिजमध्ये (Road Safety World Series) सहभागी होण्याची शक्यता आहे. जर तो रोड सेफ्टी वर्ल्ड सीरिजमध्ये सहभागी झाला तर इंडिया लिजेंड्सकडून या स्पर्धेत पदार्पण करेल. ‘मास्टर ब्लास्टर’ सचिन तेंडूलकर या संघाचा कर्णधार असू शकतो. याच पार्श्वभूमीवर तो सध्या गाझियाबादमध्ये कसून सरावही करत आहे.

रैना म्हणाला की, “मी सर्वप्रथम भारतात होणाऱ्या रोड सेफ्टी वर्ल्ड सीरिजमध्ये खेळेल. त्याव्यतिरिक्त दक्षिण आफ्रिदा, श्रीलंका आणि युएई लीगनेही माझ्याशी संपर्क साधला आहे. इकडच्या गोष्टी स्पष्ट झाल्यानंतर मी या लीगमध्ये खेळण्याबद्दलची माहिती देईल.”

It has been an absolute honour to represent my country & state UP. I would like to announce my retirement from all formats of Cricket. I would like to thank @BCCI, @UPCACricket, @ChennaiIPL, @ShuklaRajiv sir & all my fans for their support and unwavering faith in my abilities 🇮🇳

— Suresh Raina🇮🇳 (@ImRaina) September 6, 2022

मिस्टर आयपीएलचा क्रिकेटला अलविदा
रैनाने सोशल मीडियाद्वारे त्याच्या निवृत्तीची घोषणा केली आहे. त्याने ट्वीट करत लिहिले आहे की, माझ्या देशाचे आणि उत्तर प्रदेश राज्याचे प्रतिनिधित्त्व करण्याची संधी मिळाल्याने मी स्वतला भाग्यवान समजतो. मी सर्वांना सांगू इच्छितो की, मी क्रिकेटच्या सर्व स्वरूपातून निवृत्त होत आहे. मी बीसीसीआय, यूपीसीए क्रिकेट, चेन्नई सुपर किंग्ज, राजीव शुक्ला आणि माझ्या सर्व चाहत्यांचा आभारी आहे. तुम्ही सर्वांनी माझ्यावर विश्वास दाखवला आणि मला पाठिंबा दिला, याबद्दल मी सर्वांचा ऋणी आहे.

महास्पोर्ट्सचा व्हॉट्सअप ग्रुप जॉईन करण्यासाठी येथे क्लिक करा
महत्त्वाच्या बातम्या-
Breaking: सुरेश रैनाची आयपीएलमधून निवृत्ती, संपवले बीसीसीआयसोबतचे सर्व संबंध!
सुपर-4 मध्ये श्रीलंकेशी भिडणार भारत, जाणून घ्या दुबईच्या हवामानाचा अंदाज आणि पिच रिपोर्ट
संघ हरला तरी टीम इंडिया मालामाल! बीसीसीआयला मिळाला नवा स्पॉन्सर; इतके कोटी पडणार पदरात