सध्या भारतीय देशांतर्गत क्रिकेटमध्ये टी20 क्रिकेटचा जोर आहे. आयपीएलपूर्वी 20 षटकांच्या क्रिकेटमध्ये अनेक खेळाडूंना आपले कौशल्य दाखवण्याची संधी मिळत आहे. सय्यद मुश्ताक अली ट्रॉफी 2024 स्पर्धा, जी आता बाद फेरीत पोहोचली आहे. म्हणजेच सय्यद मुश्ताक अली ट्रॉफीचे चार उपांत्य फेरीतील संघ निश्चित झाले आहेत. दिल्ली आणि उत्तर प्रदेश यांच्यात खेळल्या गेलेल्या उपांत्यपूर्व फेरीच्या सामन्याच्या निकालामुळे अंतिम-4 मध्ये पोहोचणारे चार संघ निश्चित झाले. बेंगळुरूच्या एम चिन्नास्वामी स्टेडियमवर खेळल्या गेलेल्या उपांत्यपूर्व फेरीच्या सामन्यात दिल्लीने उत्तर प्रदेशचा 19 धावांनी पराभव केला आणि उपांत्य फेरी गाठणारा चौथा आणि शेवटचा संघ ठरला. प्रथम फलंदाजी करताना दिल्लीने 20 षटकांत 193 धावा केल्या. परंतु यूपीचा संघ 20 षटकांत 174 धावांत सर्वबाद झाला.
तत्पूर्वी, मुंबईने रोमांचक लढतीत विदर्भाचा पराभव करत उपांत्य फेरीचे तिकीट पटकावले. चौथ्या उपांत्यपूर्व फेरीच्या सामन्यात मुंबईने विदर्भाचा 6 गडी राखून पराभव करत उपांत्य फेरीचे तिकीट मिळवले. मुंबईच्या या विजयात सर्वात मोठा वाटा अजिंक्य रहाणेचा होता. त्याने 45 चेंडूत 10 चौकार आणि 3 षटकारांच्या मदतीने 84 धावांची खेळी केली. प्रथम फलंदाजी करताना विदर्भाने 20 षटकांत 6 गडी गमावून 221 धावा केल्या. प्रत्युत्तरात मुंबई संघाने 15.1 षटकांत अजिंक्य रहाणे बाद झाल्यानंतर 4 बाद 157 धावा केल्या होत्या आणि संघाला विजयासाठी 29 चेंडूत 65 धावांची गरज होती. शेवटच्या 4 षटकात विजयासाठी 60 धावा आवश्यक होत्या. यानंतर शिवम दुबे आणि सूर्यांश शेडगे यांच्या झंझावाती खेळीमुळे हा विजय अगदी सोपा झाला. दोघांनीही शानदार फलंदाजी करत 4 चेंडू राखून मुंबईला विजय मिळवून दिला. शिवम दुबेने 37 धावांची नाबाद खेळी तर सुर्यांशने 36 धावांची नाबाद खेळी खेळली.
Here are the semi-finalists of the Syed Mushtaq Ali Trophy 2024-25 🙌
An action-packed 13th December awaits us ⏰ #SMAT | @IDFCFIRSTBank pic.twitter.com/N9jhZKMsXZ
— BCCI Domestic (@BCCIdomestic) December 11, 2024
दुसरीकडे, वेगवान गोलंदाज मोहम्मद शमीच्या निराशाजनक कामगिरीमुळे बंगालचा सय्यद मुश्ताक अली ट्रॉफीच्या उपांत्यपूर्व फेरीत बडोद्याकडून 41 धावांनी पराभव झाला. दरम्यान, अलूर येथील दुसऱ्या उपांत्यपूर्व फेरीत मध्य प्रदेशने व्यंकटेश अय्यरच्या अष्टपैलू कामगिरीच्या बळावर सौराष्ट्रावर 6 गडी राखून शानदार विजय मिळवत अंतिम-4 मध्ये प्रवेश केला. व्यंकटेशने 33 चेंडूत नाबाद 38 धावा करून दोन गडी बाद केले. त्यामुळे मध्य प्रदेशने सौराष्ट्रचे 7 गड्यांच्या मोबदल्यात 173 धावांचे लक्ष्य चार चेंडू बाकी असताना चार गड्यांच्या मोबदल्यात 174 धावा करून पूर्ण केले.
सय्यद मुश्ताक अली ट्रॉफी 2024-25 च्या उपांत्य फेरीच्या सामन्यांचे संपूर्ण वेळापत्रक
पहिली उपांत्य फेरी: मुंबई विरुद्ध बडोदा, एम चिन्नास्वामी स्टेडियम, बेंगळुरू 13 डिसेंबर (सकाळी 11:00 वाजता)
दुसरी उपांत्य फेरी: मध्य प्रदेश विरुद्ध दिल्ली, एम चिन्नास्वामी स्टेडियम, बेंगळुरू 13 डिसेंबर (दुपारी 4.30 वाजता)
अंतिम सामना: एम चिन्नास्वामी स्टेडियम, बेंगळुरू, 15 डिसेंबर (दुपारी 4.30 वाजता)
हेही वाचा-
VIDEO; मैदानातच दोन भारतीय खेळाडूंमध्ये झाली बाचाबाची! व्हिडिओ होतोय तुफान व्हायरल
या आशियाई देशात प्रथमच होणार फिफा विश्वचषकाचं आयोजन, भारताकडेही क्वालिफाय होण्याची संधी!
भारतीय संघ कसा पोहोचणार, जागतिक कसोटी चॅम्पियनशिपच्या फायनलमध्ये?
