एक प्रकारे, सोमवार, 2 फेब्रुवारीपासन रोजी टी20 विश्वचषकला सुरूवात झाली आहे, कारण स्पर्धेसाठी अधिकृत सराव सामने सुरू झाले आहेत. पहिल्या दिवशी एकूण तीन सामने होते. ज्यात भारतही एका सामन्यात खेळला. तीन वेगवेगळ्या शहरांमध्ये तीन सामने खेळले गेले. यापैकी पाच संघ स्पर्धेत खेळणार होते, तर एक टीम इंडिया अ होती, ज्यामध्ये फक्त एक भारतीय खेळाडू होता जो टी20 विश्वचषकात भारतीय संघाकडून खेळेल.
टी20 विश्वचषक 2026च्या सराव सामन्यांचा पहिला सामना अफगाणिस्तान आणि स्कॉटलंड यांच्यात बेंगळुरू येथील सेंटर ऑफ एक्सलन्स येथे खेळला गेला. अफगाणिस्तानने 61 धावांच्या मोठ्या फरकाने विजय मिळवला. बांगलादेशची जागा घेणाऱ्या स्कॉटलंडची सुरुवात खराब झाली. अफगाणिस्तानने 20 षटकांत 6 गडी गमावून 184 धावा केल्या, ज्यामध्ये दारविश रसूलीने 46 चेंडूत 84 धावा केल्या. इब्राहिम झद्रानने 36 तर मोहम्मद नबीने 34 धावा केल्या. लक्ष्याचा पाठलागात स्कॉटलंडचा संघ 123 धावांवर ऑलआउट झाला. अझमतुल्ला उमरझाईने तीन बळी घेतले, तर झियाउर रहमान शरीफी आणि मोहम्मद नबीने प्रत्येकी दोन बळी घेतले.
नवी मुंबईतील डीवाय पाटील स्टेडियमवर भारत अ आणि अमेरिका यांच्यात खेळला गेलेला दुसरा सामना हा उच्चांकी होता. भारताने तीन विकेट गमावून 238 धावा केल्या. आश्चर्याची गोष्ट म्हणजे, अमेरिकेचा संघही 200 धावांपर्यंत पोहोचू शकला. भारताने सामना 38 धावांनी जिंकला, टीम इंडियाकडून एन. जगदीसनने 55 चेंडूत 104 धावा केल्या. कर्णधार आयुष बदोनीने 26 चेंडूत 60 धावा केल्या. तिलक वर्मा यानेही 38 धावा केल्या. अमेरिकेकडून अनेक फलंदाजांनी चांगली सुरुवात केली, परंतु कोणीही अर्धशतक पूर्ण करू शकले नाही. रवी बिश्नोईने तीन बळी घेतले.
दिवसाच्या तिसऱ्या सामन्यात इटली आणि कॅनडा एकमेकांसमोर आले. चेन्नईतील एमए चिदंबरम स्टेडियमवर हा सामना खेळवण्यात आला. या सामन्यात इटलीने प्रथम फलंदाजी करताना 4 गडी गमावून 156 धावा केल्या, तर कॅनडा 20 षटकांत 6 गडी गमावून 146 धावा करू शकला आणि त्यांना 10 धावांनी पराभव पत्करावा लागला.
