India vs Australia T20 Series: एकदिवसीय सामन्यांनंतर, भारत आणि ऑस्ट्रेलिया यांच्यातील टी20 मालिका आता सुरू होणार आहे. ही पाच सामन्यांची टी20 मालिका बुधवार, 29 ऑक्टोबरपासून सुरू होत आहे. भारत आणि ऑस्ट्रेलिया हे दोन्ही संघ या फॉरमॅटमध्ये अव्वल दोन संघ आहेत. आयसीसी टी२०आय टीम रँकिंगमध्ये भारत पहिल्या क्रमांकावर आहे, तर ऑस्ट्रेलिया दुसऱ्या क्रमांकावर आहे. त्याचप्रमाणे, फलंदाजी आणि गोलंदाजी क्रमवारीत दोन्ही संघातील खेळाडूंचा समावेश आहे. भारत आणि ऑस्ट्रेलिया यांच्यातील टी20 मालिका सुरू होण्यापूर्वी, आयसीसी रँकिंगमध्ये कोणत्या संघाचे खेळाडू वर्चस्व गाजवतात ते जाणून घेऊया.
आयसीसी पुरुष टी२०आय फलंदाजी क्रमवारीत भारताचे वर्चस्व कायम आहे. या यादीत टीम इंडियाचे तीन खेळाडू समाविष्ट आहेत. भारतीय फलंदाज अभिषेक शर्मा यादीत अव्वल आहे. या टॉप10 यादीत ऑस्ट्रेलियाचा फक्त एकच खेळाडू आहे.
अभिषेक शर्मा आयसीसी टी20 फलंदाजी क्रमवारीत 93 रेटिंग गुणांसह पहिल्या क्रमांकावर आहे.
भारताचा स्टार फलंदाज तिलक वर्मा 819 रेटिंग गुणांसह तिसऱ्या क्रमांकावर आहे.
ऑस्ट्रेलियाचा विस्फोेटक फलंदाज ट्रॅव्हिस हेड 743 रेटिंग गुणांसह सहाव्या क्रमांकावर आहे.
भारताचा टी20 कर्णधार सूर्यकुमार यादवचाही टॉप 10 यादीत समावेश आहे. तो 698 रेटिंग गुणांसह आठव्या क्रमांकावर आहे.
आयसीसी पुरुष टी20 आंतरराष्ट्रीय गोलंदाजी क्रमवारीत भारतीय खेळाडूंचेही वर्चस्व आहे. टॉप 10 मध्ये दोन भारतीय खेळाडू आहेत, तर फक्त एक ऑस्ट्रेलियाचा आहे. या यादीत टीम इंडियाचा वरुण चक्रवर्ती पहिल्या क्रमांकावर आहे.
आयसीसी टी20 गोलंदाजी क्रमवारीत 803 रेटिंग गुणांसह वरुण चक्रवर्ती पहिल्या क्रमांकावर आहे.
ऑस्ट्रेलियाचा गोलंदाज अॅडम झम्पा 691 रेटिंग गुणांसह पाचव्या क्रमांकावर आहे.
भारतीय फिरकी गोलंदाज कुलदीप यादव 648 रेटिंग गुणांसह या यादीत दहाव्या क्रमांकावर आहे.
आयसीसी पुरुष टी20 ऑल-राउंडर रँकिंगमध्ये एकाही ऑस्ट्रेलियन खेळाडूची नोंद नाही. तथापि, भारतीय क्रिकेट संघातील दोन खेळाडूंचा समावेश टॉप 10 यादीत आहे.
हार्दिक पांड्या 233 रेटिंग गुणांसह आयसीसी टी20 आंतरराष्ट्रीय ऑल-राउंडर रँकिंगमध्ये दुसऱ्या क्रमांकावर आहे.
भारताचा अक्षर पटेल देखील या यादीत आहे. अक्षर 175 रेटिंग गुणांसह 9व्या क्रमांकावर पोहोचला आहे.
