भारतीय खेळाडू सध्या आयपीएलमध्ये व्यस्त आहेत. 25 मे रोजी आयपीएलच्या अंतिम सामन्यानंतर, भारतीय संघ 20 जून ते 4 ऑगस्ट दरम्यान पाच कसोटी सामन्यांच्या मालिकेसाठी इंग्लंड दौऱ्यावर जाणार आहे. खराब फॉर्ममधून जात असलेल्या कर्णधार रोहित शर्माच्या भविष्याबद्दल सतत प्रश्न उपस्थित केले जात आहेत. रोहितने टी-20 आंतरराष्ट्रीय क्रिकेटमधून निवृत्ती घेतली असली तरी, त्याने अद्याप एकदिवसीय आणि कसोटी क्रिकेटमधून निवृत्ती घेण्याबाबत स्पष्ट संकेत दिलेले नाहीत. तसेच त्याच्या खराब फॉर्ममुळे इंग्लंड दौऱ्यासाठी त्याची निवड करावी की नाही हा प्रश्न आहे. आता ऑस्ट्रेलियाचा माजी कर्णधार मायकेल क्लार्क रोहितच्या समर्थनार्थ समोर आला आहे.
ऑस्ट्रेलियाचा एकदिवसीय विश्वचषक विजेता कर्णधार आणि माजी धडाकेबाज फलंदाज मायकेल क्लार्कने बीसीसीआयला इंग्लंड दौऱ्यासाठी रोहित शर्माला टीम इंडियामध्ये समाविष्ट करण्याची विनंती केली आहे. ‘बॅकस्टेज विथ बोरिया’ या कार्यक्रमात बोलताना क्लार्क म्हणाला,
“मला वाटतं रोहित शर्मामध्ये अजूनही खेळण्याची क्षमता आहे. त्याचा दर्जा कायम आहे आणि तुम्ही ते 2025 च्या चॅम्पियन्स ट्रॉफीच्या अंतिम सामन्यात पाहिले. तो पाचव्या क्रमांकावर खेळण्यासाठी परिपूर्ण खेळाडू असेल. गरज पडल्यास परिस्थितीनुसार तो दुसऱ्या नवीन चेंडूचा सामना करू शकतो आणि जर विकेट लवकर पडल्या तर त्याच्यात गोष्टी हाताळण्याची क्षमता आहे.”
क्लार्कने रोहितच्या डावाची सुरुवात करण्याबद्दलही बोलला म्हणाला, “रोहित शर्माला सलामीला खेळायला आवडते आणि तो नवीन चेंडूनेही चांगला खेळू शकतो. जर मी बीसीसीआयमध्ये निवडकर्ता असतो तर मी इंग्लंड दौऱ्यासाठी रोहितला कर्णधार आणि नेतृत्व म्हणून संघात समाविष्ट केले असते.”
अलीकडेच बॉर्डर गावस्कर ट्रॉफीमध्ये रोहित शर्माने ऑस्ट्रेलियाविरुद्धच्या तीन कसोटी सामन्यांमध्ये फक्त 31 धावा केल्या. जर आपण आयसीसी वर्ल्ड टेस्ट चॅम्पियनशिपबद्दल बोललो तर 20 जूनपासून भारतीय संघ इंग्लंडविरुद्ध एक नवीन चक्र सुरू करेल. इंग्लंडमध्ये कसोटी मालिका जिंकणे ही संघासाठी मोठी कामगिरी असेल, परंतु यासाठी भारतीय खेळाडूंना त्यांचे सर्वोत्तम प्रदर्शन करावे लागेल.
