वृद्धीमान सहाला धमकावणाऱ्या पत्रकाराची आता खैर नाही, बीसीसीआय करू शकते कारवाई

बीसीसीआयने शनिवारी (१९ फेब्रुवारी) श्रीलंकेविरुद्धच्या आगामी कसोटी मालिकेसाठी भारताच्या १८ सदस्यीय संघाची घोषणा केली. अनुभवी यष्टीरक्षक फलंदाज वृद्धीमान साहा (Wriddhimaan Saha) याला या मालिकेसाठी निवडले गेले नाही. यादरम्यानच साहाने आरोप केला आहे की, एका प्रसिद्ध पत्रकाराने त्याला धमकावण्याचा प्रयत्न केला आहे. साहाने स्वतःच्या अधिकृत ट्वीटर खात्यावरून त्या पत्रकाराने केलेल्या मेसेजेसचा एक स्क्रीनशॉट शेअर केला आहे. आता अशी माहिती समोर येत आहे की, बीसीसीआय यासंदर्भात कारवाई करण्यापूर्वी साहाशी चर्चा करेल.

साहाने हा स्क्रीनशॉट ट्वीटरवर शेअर केला असला, तरी त्याने यामध्ये त्या पत्रकाराच्या नावाचा मात्र उल्लेख केला नाही. बीसीसीआय साहा त्या पत्रकाराचे नाव सांगण्याचा आग्रह करू शकते. या प्रकरणानंतर भारताचे माजी खेळाडू साहाच्या समर्थनात पुढे आले आहेत. भारताचा माजी सलामीवीर फलंदाज विरेंद्र सेहवागने ट्वीटरवर लिहिले की, “खूप दुःखी आहे. तो सन्मानितही नाही आणि पत्रकार देखील नाही, फक्त चमचागिरी. मी तुझ्या सोबत आहे वृद्धी.”

Extremely sad. Such sense of entitlement, neither is he respected nor a journalist, just chamchagiri.
With you Wriddhi. https://t.co/A4z47oFtlD

— Virender Sehwag (@virendersehwag) February 20, 2022

तसेच भारताचा माजी दिग्गज फिरकी गोलंदाज हरभजन सिंगने लिहिले की, “वृद्धी त्या व्यक्तिचे नाव सांग, जेणेकरून क्रिकेट जगतातील लोकांना कळू शकेल, अशा प्रकारे कोण कोण करत आहे. जर तू सांगितले नाही, तर चांगले पत्रकार देखील संशयाच्या घेऱ्यात येतील. ही कोणत्या प्रकारची पत्रकारिता आहे?”

Wridhi you just name the person so that the cricket community knows who operates like this. Else even the good ones will be put under suspicion.. What kind of journalism is this ? @BCCI @Wriddhipops @JayShah @SGanguly99 @ThakurArunS players should be protected https://t.co/sIkqtIHsvt

— Harbhajan Turbanator (@harbhajan_singh) February 20, 2022