कानपूरमध्ये भारत आणि बांग्लादेश यांच्यात दुसरा कसोटी सामना खेळला जात आहे. मात्र, या सामन्याच्या दुसऱ्यादिवशी देखील पावसाचं सावट दिसून येत आहे. कानपूरमध्ये मुसळधार पावसामुळे पहिल्या दिवसाचा संपूर्ण खेळ होऊ शकला नाही. आणि तोच धोका आता दुसऱ्या दिवसाच्या खेळावरही पाहायला मिळत आहे. कानपूरमध्ये काल रात्रीही पाऊस झाला. त्याचबरोबर सकाळपासून रिमझिम पाऊस पडत आहे. त्यामुळे दुसऱ्या दिवसाचा खेळ वेळेवर सुरू होऊ शकला नाही. कानपूरमध्ये सध्या ज्या प्रकारचे हवामान आहे. ते लक्षात घेता दुसऱ्या दिवशी पूर्ण खेळ होणे फार कठीण आहे. असे म्हणता येईल.
कानपूरमध्ये पहिल्या दिवशीही भरपूर पाऊस झाला. परिणामी शुक्रवारी केवळ 35 षटकांचाच खेळ होऊ शकला. हवामान अहवालानुसार, शनिवारी 85 टक्के पाऊस अपेक्षित होता आणि आता तेच होत आहे. कानपूरमध्ये सकाळपासून पाऊस पडत आहे. या कारणास्तव अद्याप खेळ सुरू झालेला नाही. मधेच पाऊस थांबला असला तरी पुन्हा सुरू झाला आहे. या कारणास्तव, खेळ लवकर सुरू करणे खूप कठीण आहे. पावसामुळे अर्ध्याहून अधिक दिवसाचा खेळ रद्द होण्याची शक्यता आहे.
The start of play for Day 2 in Kanpur has been delayed due to rains.
Stay tuned for further updates.
Scorecard – https://t.co/JBVX2gyyPf#TeamIndia | #INDvBAN | @IDFCFIRSTBank
— BCCI (@BCCI) September 28, 2024
सामन्यात भारताने नाणेफेक जिंकून बांग्लादेशला फलंदाजीसाठी आमंत्रित केले होते. दोन्ही संघांसाठी पहिला दिवस संमिश्र ठरला. बांगलादेशने निश्चितपणे 107 धावा केल्या आहेत परंतु या काळात तीन विकेट्सही गमावल्या आहेत. संघाचा सलामीवीर झाकीर हसनला खातेही उघडता आले नाही. तो 24 चेंडूत खाते न उघडता पॅव्हेलियनमध्ये परतला. यानंतर शादमान इस्लाम 36 चेंडूत 24 धावा करून बाद झाला. तर कर्णधार नजमुल हुसेन शांतो 57 चेंडूत 31 धावा करून बाद झाला. खेळाच्या पहिल्या दिवशी मोमिनुल हक 40 आणि मुशफिकर रहीम 6 धावा केल्यानंतर क्रीजवर होते. भारताकडून आकाश दीपने 2 बळी घेतले.
हेही वाचा-
एमएस धोनी की विराट कोहली? दिग्गजानी दिले धक्कादायक उत्तर, म्हणाला- … निवडायला हरकत नाही
इंग्लंडचा ऑस्ट्रेलियाला धोबीपछाड, वनडे सामन्यात कांगारुंचा चौथा सर्वात मोठा पराभव
IND vs BAN: रोहित शर्माच्या निर्णयाने इतिहास बदलला, 60 वर्षांचा सिलसिला तुटला
