भारतीय टीम सध्या ऑस्ट्रेलिया दौऱ्यावर आहे. येथे टीम इंडिया (Team india) 3 वनडे आणि 5 टी20 आंतरराष्ट्रीय सामने खेळणार आहे. 19 ऑक्टोबरला भारतीय संघाने पहिला वनडे सामना खेळला, ज्यात टीम इंडियाला DLS पद्धतीनुसार 7 विकेटने पराभवाचा सामना करावा लागला. दुसरा वनडे सामना 23 ऑक्टोबरला एडिलेड ओवलवर होईल. ऑस्ट्रेलिया दौऱ्यानंतर भारतीय संघाला घरी दक्षिण आफ्रिकाविरुद्ध सामने खेळायचे आहेत, जिथे सर्वांचे लक्ष संघ निवडीवर असेल.
ऑस्ट्रेलिया दौऱ्यासाठी काही स्टार खेळकऱ्यांचा संघात समावेश झाला नाही, ज्यामुळे या 5 खेळाडूंचे टीम इंडियात पुनरागमन आता अशक्य वाटत आहे.
अजिंक्य रहाणे
भारतीय संघाचा वरच्या क्रमाचा फलंदाज अजिंक्य रहाणेने (Ajinkya Rahane) 85 कसोटीत 5077 धावा, 90 वनडे मध्ये 2962 धावा आणि 20 टी20 मध्ये 375 धावा केल्या आहेत. टीम इंडियासाठी रहाणेने शेवटचा सामना 20-24 जुलै 2023 रोजी वेस्ट इंडिजविरुद्ध टेस्टमध्ये खेळला होता.
मोहम्मद शमी
भारतीय वेगवान गोलंदाज मोहम्मद शमीने (Mohmmed Shami) 64 कसोटीत 229 विकेट, 108 वनडे मध्ये 206 विकेट आणि 25 टी20 मध्ये 27 विकेट घेतल्या आहेत. टीम इंडियासाठी (Team india) शमीने शेवटचा सामना 9 मार्च 2025 रोजी न्यूजीलंडविरुद्ध वनडे मध्ये खेळला होता.
पृथ्वी शॉ
भारतीय सलामी फलंदाज पृथ्वी शॉने (Prithvi Shaw) 5 कसोटीत 339 धावा, 6 वनडेमध्ये 189 धावा आणि 1 टी20मध्ये 0 धावा केल्या आहेत. टीम इंडियासाठी पृथ्वीने शेवटचा सामना 25 जुलै 2021 रोजी श्रीलंकेविरुद्ध टी20मध्ये खेळला होता.
विजय शंकर
भारतीय अष्टपैलू विजय शंकरने (Vijay Shankar) 12 वनडेमध्ये 223 धावा आणि 9 टी20मध्ये 101 धावा केल्या आहेत. टीम इंडियासाठी विजयने शेवटचा सामना 27 जून 2019 रोजी वेस्ट इंडिजविरुद्ध वनडेमध्ये खेळला होता.
वेंकटेश अय्यर
भारतीय डाव्या हाताचा फलंदाज वेंकटेश अय्यरने 2 वनडेमध्ये 24 धावा आणि 9 टी20मध्ये 133 धावा केल्या आहेत. टीम इंडियासाठी अय्यरने शेवटचा सामना 27 फेब्रुवारी 2022 रोजी श्रीलंकेविरुद्ध टी20मध्ये खेळला होता.
