आज होणारा केकेआर विरुद्ध आरसीबी सामना पुढे ढकलला, वाचा कारण

इंडियन प्रीमियर लीग २०२१ चा ३० वा सामना आज (०३ मे) कोलकाता नाईट रायडर्स विरुद्ध रॉयल चॅलेंजर्स बेंगलोर यांच्यात होणार आहे. नरेंद्र मोदी स्टेडियम, अहमदाबाद येथे रात्री ७.३० वाजता या सामन्याला सुरुवात होणार आहे. तत्पुर्वी एक धक्कादायक वृत्त पुढे आले आहे. आज केकेआर आणि आरसीबी यांच्यात होणारा सामना पुढे ढकलण्यात आला आहे. ईएसपीएन क्रिकइंफोने याबद्दल माहिती दिली आहे.

माध्यमांतील वृत्तानुसार, केकेआर संघातील काही सदस्य कोरोना पॉझिटिव्ह आढळले आहेत. त्यामुळे त्यांना विलिगीकरणात ठेवण्यात आले आहे. याच कारणास्तव हा सामना रद्द करुन इतर कोणत्या दिवशी खेळवला जाणार आहे. असे म्हटले जात आहे की, केकेआरचे खेळाडू वरुण चक्रवर्ती आणि संदीप वॉरियर यांचा कोरोनाचा अहवाल पॉझिटिव्ह आला आहे. त्यामुळे केकेआरने खबरदारीचा उपाय म्हणून सामना न खेळण्याचे ठरवले आहे.

BREAKING: Tonight's IPL match between the Kolkata Knight Riders and Royal Challengers Bangalore has been rescheduled #IPL2021

— ESPNcricinfo (@ESPNcricinfo) May 3, 2021