दाक्षिणात्य अभिनेता विजय देवरकोंडा हा आता पर्यंत चित्रपटात वेगवेगळ्या भुमिका करतांना दिसला. आता मात्र विजयने आता क्रीडाविश्वातही पाऊल ठेवले आहे. व्हॉलीबॉल लीगमध्ये तो एका नव्या भूमिकेत दिसणार आहे. विजय हैदराबाद ब्लॅक हॉक्स संघाचा सह-मालक म्हणून भुमिका निभावणार आहे. ब्लॅक हॉक्स हा हैदराबाद, तेलंगणा येथील पुरुषांचा व्हॉलीबॉल संघ आहे. हा संघ भारतातील प्राइम व्हॉलीबॉल लीगमध्ये खेळतो.
सन 2018 मध्ये ब्लॅक हॉक्स हैदराबाद (Hyderabad Blackhawks) म्हणून या संघाची स्थापना करण्यात आली होती. त्यावेळी हा संघ एजाइल एंटरटेनमेंट प्रायव्हेट लिमिटेडच्या कंपनीच्या मालकीचा होता. 2021 मध्ये नवीन मालकीसह प्राइम व्हॉलीबॉल लीगमध्ये स्विच करण्यापूर्वी संघाने 2019 मध्ये विसर्जित प्रो व्हॉलीबॉल लीगच्या एकमेव हंगामात भाग घेतला होता. त्यानंतर आता थेट विजय देवरकोंडा याने या संघाची मालकी मिळवली आहे. विजय हा त्याच्या डियर कॉम्रेड, गीता गोविंदम, अर्जुन रेड्डी इत्यादी सुपरहिट चित्रपटांचा नायक म्हणून ओळखला जातो.
विजय ब्लॅक हॉक्सचा सहमालक तसेच ब्रँड ॲम्बेसिडर म्हणून देखील काम करेल. ब्लॅक हॉक्सचे मालक अभिषेक रेड्डी कंकन म्हणाले, “विजय आमच्यासोबत सह-मालक आणि ब्रँड ॲम्बेसिडर म्हणून सामील झाल्यामुळे आम्हाला आनंद होत आहे. तो खरोखरच आमचा ब्रँड पुढे नेऊ शकतो.”
विजय या भागीदारीबद्दल म्हणाला की, “ब्लॅक हॉक्स हा संघ आमचा तेलुगु वारसा अभिमानाने प्रदर्शित करणाऱ्या आम्हा सर्वांसाठी महत्त्वाचा आह. ते तेलगू लोकांचे प्रतिनिधित्व करतात. आमची टीम आणि आमचा ब्रँड भारताच्या सर्व भागात आणि त्याहीपलीकडे नेण्यासाठी मी पुर्ण प्रयत्न करेन.”
https://www.instagram.com/reel/CnzPA0sho32/?utm_source=ig_web_copy_link
प्राईम व्हॉलीबॉल लीगचा उद्घाटनाचा हंगाम चांगलाच गाजला होता. इंग्रजी, हिंदी, तमिळ, तेलगू आणि मल्याळम या भाषांमध्ये प्रसारित झालेल्या या सामन्यांनी एकूण 133 दशलक्ष टेलिव्हिजन प्रेक्षकसंख्या, 41 दशलक्ष युनिक व्ह्यूज आणि लाइव्ह स्ट्रीमिंगमधून 43 दशलक्ष प्रेक्षक मिळून यशाच्या शिखरावर पोहोचले. याशिवाय विविध डिजिटल प्लॅटफॉर्मवर सीझनने 50 लाखांहून अधिक चाहते जोडले.
लीगच्या दुसऱ्या सत्रात 4 फेब्रुवारी ते 5 मार्च 2023 या कालावधीत 31 सामने खेळवले जातील. या स्पर्धेत भारतातील 8 विविध शहरातील संघ खेळत असतात. (vijay deverakonda hyderabad black-hawks volleyball team co-owner and brand ambassador Prime volleyball leagues 2023)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
‘दिलवाले दुल्हनियां ले जाएंगे’सारखीच आहे ‘या’ भारतीय वेगवान गोलंदाजाची लव्हस्टोरी, प्रेमासाठी थेट…
टीम इंडिया पहिल्या टी20त नेमकी चुकली तरी कुठे? एका क्लिकवर घ्या जाणून
