भारतीय संघ नवा मुख्य प्रशिक्षक गौतम गंभीरच्या (Gautam Gambhir) मार्गदर्शनाखाली श्रीलंका दोऱ्यावर जाणार आहे. भारत श्रीलंका दौऱ्यावर 3 टी20 आणि 3 एकदिवसीय सामने खेळणार आहे. टी20 मालिकेसाठी सूर्यकुमार यादव भारताचा कर्णधार आहे. तर एकदिवसीय मालिकेसाठी रोहित शर्मा भारताची धुरा सांभाळणार आहे. तत्पूर्वी भारतीय संघाचा दिग्गज खेळाडू विराट कोहलीच्या निशान्यावर श्रीलंकेचा दिग्गज खेळाडू कुमारा संगकाराचा रेकाॅर्ड आहे.
भारताचा दिग्गज फलंदाज विराट कोहलीनं (Virat Kohli) श्रीलंकेविरुद्धच्या 3 सामन्यांच्या एकदिवसीय मालिकेत 387 धावा केल्या, तर तो एकदिवसीय आंतरराष्ट्रीय क्रिकेटमध्ये सर्वाधिक धावा करणारा जगातील दुसरा खेळाडू ठरणार आहे. श्रीलंकेविरुद्धच्या 3 सामन्यांच्या एकदिवसीय मालिकेत 387 धावा करुन कोहली दिग्गज फलंदाज कुमार (Kumara Sangakkara) संगकाराचा महान विक्रम मोडीत काढेल. संगकारा सध्या 14,234 धावांसह एकदिवसीय क्रिकेटमध्ये सर्वाधिक धावा करणाऱ्या फलंदाजांच्या यादीत दुसऱ्या स्थानावर आहे.
कोहलीचा श्रीलंकेविरुद्ध आंतरराष्ट्रीय एकदिवसीय क्रिकेटमध्ये चांगला रेकॉर्ड आहे. श्रीलंकेविरुद्धच्या 3 सामन्यांच्या एकदिवसीय मालिकेत विराट कोहलीनं (Virat Kohli) 387 धावा केल्या तर त्याची एकदिवसीय क्रिकेटमधील धावसंख्या 14,235 होईल. यानंतर कोहली संगकाराला मागे टाकेल. एकदिवसीय क्रिकेटमध्ये सर्वाधिक धावा करणाऱ्या फलंदाजांच्या यादीत विराट कोहली 14,235 धावांसह दुसऱ्या क्रमांकावर येईल. आंतरराष्ट्रीय एकदिवसीय क्रिकेटमध्ये सर्वाधिक 18,426 धावा करण्याचा विक्रम दिग्गज फलंदाज सचिन तेंडुलकरच्या (Sachin Tendulkar) नावावर आहे.
विराट कोहलीनं (Virat Kohli) 292 आंतरराष्ट्रीय एकदिवसीय सामने खेळले आहेत. त्यामध्ये त्यानं 13,848 धावा ठोकल्या आहेत. यादरम्यान त्याची सरासरी 58.67 राहिली आहे, तर स्ट्राईक रेट 93.58 राहिला आहे. कोहलीची एकदिवसीय क्रिकेटमधील सर्वोच्च धावसंख्या 183 आहे. त्यानं एकदिवसीय क्रिकेटमध्ये 72 अर्धशतकांसह 50 शतकं झळकावली आहेत. कोहली एकदिवसीय क्रिकेटमध्ये 50 शतकं झळकावणारा जगातील एकमेव फलंदाज आहे.
आंतरराष्ट्रीय एकदिवसीय सामन्यात सर्वाधिक धावा करणारे फलंदाज
सचिन तेंडुलकर (भारत) – 18,426 धावा
कुमारा संगकारा (श्रीलंका) – 14,234 धावा
विराट कोहली (भारत) – 13,848 धावा
रिकी पाॅन्टिग (ऑस्ट्रेलिया) – 13,704 धावा
सनथ जयसूर्या (श्रीलंका) – 13,430 धावा
महत्त्वाच्या बातम्या-
भारतीय संघाचे अच्छे दिन येणार? स्पेनच्या दिग्गज खेळाडूची मुख्य प्रशिक्षकपदी नियुक्ती
एकेकाळी ऑलिम्पिकमध्ये इतिहास रचण्याच्या उंबरठ्यावर होता भारतीय फुटबॉल संघ! पदक अगदी थोडक्यात हुकलं
पाकिस्तानी खेळाडूनं केलेल्या बाॅल टेम्परिंगच्या आरोपावर, मोहम्मद शमीचे तिखट उत्तर