भारतीय क्रिकेट संघाचा माजी कर्णधार विराट कोहली आणि त्याची पत्नी व बॉलिवूड अभिनेत्री अनुष्का शर्मा यांची जोडी लोकप्रिय आहे. या हिटजोडीबद्दल नेहमीच चर्चा होत असतात. आता तर स्वत: विराट कोहलीनेच त्यांच्याबद्दल एक खास किस्स्याचा खुलासा केला आहे. त्याने नुकतेच सांगितले आहे की, त्याने प्रेमाखातर कशा प्रकारे चाहत्यांना चकमा देत अनुष्काची इच्छा पूर्ण केली होती.
नुकत्याच काही दिवसांपूर्वी पार पडलेल्या श्रीलंकेच्या भारत दौऱ्यावेळी विराटने चाहत्यांना चूकवत सुरक्षा यंत्रणेतून बाहेर येत अनुष्कासाठी बंगळुरूमधील एका बेकरीतून तिच्या आवडीचा पदार्थ खरेदी केली होता. ही घटना भारत विरुद्ध श्रीलंका संघातील दुसऱ्या कसोटीनंतर झाली होती. ही कसोटी बंगळुरूला झाली होती. तसेच तीन दिवसातच भारताने विजय मिळवला होता.
या घटनेबद्दल विराटने रॉयल चॅलेंजर्स बेंगलोरने शेअर केलेल्या व्हिडिओमध्ये खुलासा केला आहे. त्याने सांगितले, ‘कसोटी सामना संपला तो तिसरा दिवस होता. अनुष्का बंगळुरूमध्येच लहानाची मोठी झाली आहे. त्यामुळे तिचे इथे खूप मित्र-मैत्रीणी आहेत आणि तिच्या खूप आठवणी देखील आहेत. तिला येथील थॉम्स बेकरी आवडते. तिला येथील पफ खायला आवडते.’
विराटने पुढे हा देखील खुलासा केला की, त्याने तिच्यासाठी सार्वजनिक ठिकाणी जाण्याचीही जोखीमही घेतली. तो म्हणाला, ‘मी थॉम्स बेकमीमध्ये गेलो आणि मी सुरक्षा रक्षकांना कारमध्ये थांबण्यास सांगितले. माझ्याकडे मास्क होता आणि टोपी होती. माझ्यासाठी एक सामान्य परिस्थितीचा अनुभव घेण्यासाठी ही खूप चांगली संधी होती. त्यावेळी कोणीही मला ओळखले नाही, माझ्यासाठी मुक्त असण्याची ही भावना खरंच खूप छान होती.’
रॉयल चॅलेंजर्स बेंगलोरचा माजी कर्णधार विराटने पुढे सांगितले की, तो त्यावेळी सर्वाधिक नर्वस पैसे देण्यासाठी काऊंटरला आला, तेव्हा झाला होता. तो म्हणाला, ‘तिथे लोक पदार्थ घेत होते आणि जात होते. मी काऊंटरपाशी आलो आणि त्यावेळी मी खरोखर नर्वस झालो. माझ्याकडे क्रेडिट कार्ड होते, त्यावेळी मी कॅशबरोबर आणली नव्हती.’
तो पुढे म्हणाला, ‘मी ते क्रेडिट कार्ड एका मुलाला दिले आणि मी विचार गेला की, आता झालं संपलं. मी माझ्या सुरक्षारक्षकांचा नंबर मोबाईलवर डाईल करण्यासाठी सज्ज ठेवला होता. पण, त्यावेळी मला त्या बेकरीची प्रसिद्धी लक्षात आली. तो मुलगा त्याच्या कामात इतका व्यस्त होता, की त्याने कोणाचं क्रेडिट कार्ड आहे, हे पाहिलंच नाही. त्याने स्वाईप केलं, मी साईन केलं आणि त्याने मला पावती दिली. त्याने पाहिलंही नाही त्यावर कोणाचं नाव लिहिलेले आहे. माझ्यासाठी हे खूप शानदार होते की, मला कोणीच ओळखले नाही.’
विराट सध्या आयपीएल २०२२ मध्ये व्यस्त असून रॉयल चॅलेंजर्स बेंगलोरचे प्रतिनिधित्व करत आहे.
महा स्पोर्ट्सचा व्हॉट्सअप ग्रुप जॉइन करण्यासाठी लिंकवर क्लिक करा
महा स्पोर्ट्सचा व्हॉट्सअप ग्रुप जॉइन करण्यासाठी इथे क्लिक करा
महत्त्वाच्या बातम्या –
जडेजा-चेन्नई फ्रँचायझींनी सोशल मीडियावर एकमेंकांना केलं अनफॉलो, सीइओ म्हणतायेत…
आजच्याच दिवशी सीएसकेला धुळ चारत मुंबई इंडियन्स ठरली होती आयपीएलमधील सर्वात यशस्वी टीम
मुंबई इंडियन्सकडून खेळण्यासाठी स्वत:च्या राष्ट्रीय संघाला नकार देणारा ‘कायरन पोलार्ड’
