टी२० विश्वचषक २०२१ चा थरार सुरू झाला असून सध्या पात्रता फेरी सामने खेळले जात आहेत. त्यानंतर सुपर १२ फेरीतील लढतींना सुरुवात होईल. यातील भारतीय संघाचा पहिला सामना २४ ऑक्टोबर रोजी दुबई येथे कट्टर प्रतिद्वंद्वी पाकिस्तानविरुद्ध होणार आहे. या सामन्यापूर्वी भारतीय संघ इंग्लंड आणि ऑस्ट्रेलिया संघांविरुद्ध सराव सामने खेळणार आहे. यातील पहिला सराव सामना सोमवार रोजी (१८ ऑक्टोबर) इंग्लंडविरुद्ध होणार आहे.
या सराव सामन्यात उभय संघ तगड्या प्लेइंग इलेव्हनसह मैदानात उतरण्याच्या प्रयत्नात असतील. परंतु आयपीएल २०२१ मध्ये इंग्लंडचा अष्टपैलू सॅम करनला दुखापत झाल्याने त्यांची चिंता वाढली असावी. अशात सुपर १२ फेरीपूर्वी सॅम करनचा पर्यायी खेळाडू शोधण्याकडे इंग्लंडचे लक्ष असेल. तर भारतीय संघही सराव सामन्यातून बळकट अंतिम ११ खेळाडूंची निवड करण्यावर भर देईल.
भारत आणि इंग्लंड यांच्यातील आमने सामने कामगिरी पाहायची झाल्यास, टी२० क्रिकेटमध्ये भारताचे पारडे इंग्लंडपेक्षा थोडे जड आहे. उभयंतांमध्ये आतापर्यंत १९ टी२० सामने झाले आहेत. त्यापैकी १० सामन्यात भारताने विजय मिळवला आहे. तर इंग्लंडही भारतापेक्षा जास्त मागे नसून त्यांनी ९ सामन्यात भारताला छोबीपछाड दिला आहे.
कधी आणि कुठे होणार सामना?
भारत विरुद्ध इंग्लंड यांच्यातील सराव सामना सोमवार रोजी (१८ ऑक्टोबर) दुबई येथे होणार आहे.
किती वाजता होणार सामना?
भारत विरुद्ध इंग्लंड यांच्यातील सराव सामना भारतीय प्रमाणवेळेनुसार संध्याकाळी ७.३० वाजता होणार आहे. तत्पूर्वी ७ वाजता नाणेफेक होईल.
टिव्हीवर लाईव्ह कसा पाहता येईल सामना?
भारत विरुद्ध इंग्लंड सराव सामना भारताला टिव्हीवर लाईव्ह पाहण्यासाठी तुमच्याकडे स्टार स्पोर्ट्सचे चॅनेल असणे गरजेचे आहे. स्टार स्पोर्ट्सच्या सर्व चॅनलवर या सामन्यांचा लाईव्ह आनंद लुटता येईल.
ऑनलाईन कसा पाहता येईल सामना?
भारत विरुद्ध इंग्लंड यांच्यातील सराव सामना ऑनलाईन पाहण्यासाठी तुमच्याकडे डिज्नी प्लस हॉटस्टारचे सबस्क्रिप्शन असणे आवश्य आहे.
भारताची संभाव्य प्लेइंग इलेव्हन-
विराट कोहली (कर्णधार), रोहित शर्मा, केएल राहुल, सूर्यकुमार यादव, रिषभ पंत, ईशान किशन, हार्दिक पांड्या, रविंद्र जडेजा, राहुल चाहर, आर अश्विन, शार्दुल ठाकुर, वरुण चक्रवर्ती, जसप्रीत बुमराह, भुवनेश्वर कुमार, मोहम्मद शमी
इंग्लंडची संभाव्य प्लेइंग इलेव्हन-
इयॉन मॉर्गन (कर्णधार), लियाम लिविंगस्टोन, डेविड मलान, जेसन रॉय, मोइन अली, टॉम करन, डेविड विली, क्रिस वोक्स, जॉनी बेयरस्टो, सॅम बिलिंग्स, जोस बटलर, ख्रिस जॉर्डन, टाइमल मिल्स, आदिल राशिद, मार्क वुड
महत्त्वाच्या बातम्या-
टी२० विश्वचषक २०२१ मधील पहिली विकेट घेणारा बिलाल खान आहे तरी कोण? अशी राहिलीय कामगिरी
सराव सामने ठरवणार ‘या’ ३ भारतीय खेळाडूंचे नशीब; चमकले तर प्लेइंग इलेव्हनमध्ये मिळेल संधी
आदित्य राजहंसच्या अष्टपैलू कामगिरीमुळे युनायटेड स्पोर्ट्स क्लबचा डेक्कन जिमखाना संघावर दणदणीत विजय
