भारतीय संघ चॅम्पियन्स ट्रॉफी 2025 चा अंतिम सामना न्यूझीलंडविरुद्ध खेळणार आहे. भारतीय संघाने पाचव्यांदा चॅम्पियन्स ट्रॉफीच्या अंतिम फेरीत प्रवेश केला आहे, पण या स्पर्धेच्या अंतिम फेरीत भारताची कामगिरी कशी होती? 2000 च्या चॅम्पियन्स ट्रॉफीच्या अंतिम फेरीत पोहोचणारा भारतीय संघ पहिला होता, परंतु त्यावेळी न्यूझीलंडविरुद्ध पराभव पत्करावा लागला. प्रथम फलंदाजी करताना, सौरव गांगुलीच्या शतकाच्या जोरावर भारतीय संघाने 50 षटकांत 6 गडी गमावून 264 धावा केल्या. ज्याला प्रत्युत्तर म्हणून न्यूझीलंडने 49.4 षटकांत 6 गडी गमावून लक्ष्य गाठले. न्यूझीलंडकडून अष्टपैलू क्रिस केन्सने शतक झळकावले.
यानंतर, भारतीय संघ 2002 च्या चॅम्पियन्स ट्रॉफीच्या अंतिम फेरीत पोहोचला. यावेळी अंतिम सामन्यात भारत आणि श्रीलंकेचे संघ होते, परंतु अंतिम सामना पावसामुळे वाया गेला. भारत आणि श्रीलंका दोन्ही संघांना संयुक्त विजेते घोषित करण्यात आले. 2013 च्या चॅम्पियन्स ट्रॉफीच्या अंतिम सामन्यात इंग्लंड भारताविरुद्ध होता. महेंद्रसिंग धोनीच्या नेतृत्वाखालील भारतीय संघाने इंग्लंडचा 5 धावांनी पराभव केला. प्रत्यक्षात, भारत आणि इंग्लंडमधील अंतिम सामना पावसामुळे 50 षटकांऐवजी 20-20 षटकांमध्ये खेळवण्यात आला. प्रथम फलंदाजी करताना भारतीय संघाने 20 षटकांत 7 गडी गमावून 129 धावा केल्या.
भारताच्या 129 धावांच्या प्रत्युत्तरात इंग्लंड संघ 20 षटकांत 8 गडी गमावून फक्त 124 धावा करू शकला. अशाप्रकारे, टीम इंडिया 5 धावांनी चॅम्पियन बनली. यानंतर, भारतीय संघ चॅम्पियन्स ट्रॉफी 2017 च्या अंतिम फेरीत पोहोचला. यावेळी सरफराज अहमदच्या नेतृत्वाखालील पाकिस्तान संघ भारताविरुद्ध अंतिम फेरीत होता. प्रथम फलंदाजी करताना पाकिस्तानने 50 षटकांत 4 गडी गमावून 338 धावा केल्या. ज्याच्या प्रत्युत्तरात भारतीय संघ 30.3 षटकांत 158 धावांवरच मर्यादित राहिला. अशाप्रकारे, टीम इंडियाला 180 धावांच्या मोठ्या फरकाने पराभव स्वीकारावा लागला.
महत्वाच्या बातम्या :
भारताविरुद्ध सौद शकीलची अर्धशतकी खेळी,पण आता या कारणाने ट्रोलर्सच्या निशाण्यावर
भारत-न्यूझीलंड अंतिम सामन्यादिवशी हवामान कसं असेल? जाणून घ्या संपूर्ण अंदाज
फिफाचा धक्कादायक निर्णय, पाकिस्तान-रशियासह अनेक देश वर्ल्डकप बाहेर
