आयसीसी वर्ल्ड टेस्ट चॅम्पियनशिपचा (ICC world test championship) अंतिम सामना दक्षिण आफ्रिका आणि ऑस्ट्रेलिया यांच्यात लॉर्ड्स क्रिकेट ग्राउंडवर खेळला जाणार आहे. ऑस्ट्रेलिया सलग दुसऱ्यांदा अंतिम फेरीत पोहोचला आहे, गेल्या आवृत्तीत भारताला हरवून त्यांनी जेतेपद पटकावले आहे. तर दक्षिण आफ्रिका पहिल्यांदाच अंतिम फेरीत पोहोचला आहे. भारतीय चाहतेही या अंतिम फेरीची आतुरतेने वाट पाहत आहेत. सामना कधी आणि किती वाजता सुरू होईल ते जाणून घेऊया . डब्ल्यूटीसी फायनलचे थेट प्रक्षेपण भारतात कुठे होईल?
आयसीसी वर्ल्ड टेस्ट चॅम्पियनशिपच्या या चक्रात, दक्षिण आफ्रिका क्रिकेट संघाने 12 पैकी 8 सामने जिंकले. त्यांनी 3 सामने गमावले आणि 1 सामना अनिर्णित राहिला. ऑस्ट्रेलिया क्रिकेट संघाच्या बाबतीत, त्यांनी या काळात एकूण 19 सामने खेळले. ऑस्ट्रेलियाने 13 सामने जिंकले आणि 4 सामने गमावले. 2 सामने अनिर्णित राहिले.
दक्षिण आफ्रिका (South Africa ) आणि ऑस्ट्रेलिया (Australia ) यांच्यातील जागतिक कसोटी अजिंक्यपद स्पर्धेचा अंतिम सामना लंडनमधील लॉर्ड्स क्रिकेट मैदानावर खेळला जाणार आहे. या खेळपट्टीवर गोलंदाजांना भरपूर पाठिंबा आहे, त्यामुळे ज्या संघाची गोलंदाजी चांगली असेल तो संघ हा सामना जिंकेल.
हा सामना 11 जून ते 15 जून दरम्यान खेळला जाईल. एक दिवस (16 जून) राखीव दिवस म्हणून निश्चित करण्यात आला आहे. हा सामना भारतीय वेळेनुसार दुपारी 3 वाजता सुरू होईल.
आयसीसी डब्ल्यूटीसी फायनल 2025 चे थेट प्रक्षेपण स्टार स्पोर्ट्स नेटवर्क चॅनेलवर केले जाईल.
दक्षिण आफ्रिका विरुद्ध ऑस्ट्रेलिया डब्ल्युटीसी अंतिम सामना जियो हॉटस्टार या वेबसाइटवर लाईव्ह स्ट्रीमिंग होईल. मोबाईल वापरकर्ते जियो हॉटस्टार वरती लाईव्ह सामन्यांचा आनंद घेऊ शकतील.
