Number-1 All-Rounder In Test, ODI and T20: भारत आणि इंग्लंड यांच्यातील 5 सामन्यांची कसोटी मालिका संपली असून, आता सप्टेंबरमध्ये आशिया कपला सुरुवात होणार आहे. त्यापूर्वीच आयसीसीची ताजी रँकिंग जाहीर झाली आहे. भारत-इंग्लंड मालिकेत भारतीय संघाचा अष्टपैलू खेळाडू रवींद्र जडेजाने शानदार कामगिरी केली, त्याचे बक्षीस त्याच्या आयसीसी रँकिंगमध्ये पाहायला मिळाले आहे. कसोटी, वनडे आणि टी20 मधील नंबर 1 अष्टपैलू खेळाडूंची नावे जाणून घेऊयात. (ICC Player Rankings)
आयसीसीच्या कसोटी रँकिंगमध्ये रवींद्र जडेजा नंबर वन अष्टपैलू खेळाडू आहे. जडेजा बराच काळापासून पहिल्या क्रमांकावर आहे आणि इंग्लंड मालिकेत उत्कृष्ट कामगिरी केल्यामुळे तो आजही नंबर वनवर कायम आहे. भारताचा हा दमदार अष्टपैलू खेळाडू 405 रेटिंग पॉइंट्ससह पहिल्या क्रमांकावर आहे. (ICC Test All-rounder Rankings)
रवींद्र जडेजाने इंग्लंडविरुद्ध फलंदाजी आणि गोलंदाजी दोन्हीमध्ये चांगली कामगिरी केली. या मालिकेत सर्वाधिक धावा करणाऱ्या खेळाडूंमध्ये जडेजा चौथ्या क्रमांकावर राहिला. जडेजाने 5 सामन्यांच्या मालिकेत 516 धावा केल्या. 10 डावांमध्ये जडेजा 4 वेळा नाबाद परतला. कसोटीत जडेजाने आतापर्यंत 85 सामन्यांमध्ये 3,886 धावा केल्या आहेत, ज्यात त्याची सर्वोत्तम धावसंख्या 175 नाबाद आहे. त्याचबरोबर कसोटीत त्याने आतापर्यंत 330 विकेट्सही मिळवल्या आहेत. (Ravindra Jadeja Ranking)
वनडे आंतरराष्ट्रीयमध्ये नंबर 1 अष्टपैलू खेळाडू अफगाणिस्तानचा अजमतुल्ला उमरझाई आहे, जो 296 रेटिंग पॉइंट्ससह पहिल्या क्रमांकावर आहे. (Azmatullah Omarzai ODI Ranking) वनडेच्या आयसीसी रँकिंगमध्ये रवींद्र जडेजा 220 रेटिंग पॉइंट्ससह 10व्या क्रमांकावर आहे. वनडे अष्टपैलू खेळाडूंच्या टॉप 10 यादीत जडेजा हा एकमेव भारतीय खेळाडू आहे.
आयसीसीच्या टी20 रँकिंगमध्ये नंबर 1 अष्टपैलू खेळाडू हार्दिक पांड्या आहे. पांड्या 252 रेटिंग पॉइंट्ससह या यादीत पहिल्या क्रमांकावर कायम आहे. (Hardik Pandya T20 All-rounder) या यादीत भारतीय खेळाडूंमध्ये 161 रेटिंग पॉइंट्ससह अक्षर पटेल 11व्या क्रमांकावर आहे, तर 148 रेटिंग पॉइंट्ससह अभिषेक शर्मा 14व्या क्रमांकावर आहे.
