इंग्लंडनंतर वेस्ट इंडीजचा धुव्वा उडवण्यासाठी भारतीय संघ सज्ज, पाहा प्रॅक्टिस सेशनचा खास व्हिडिओ

भारतीय संघ सध्या वेस्ट इंडीज दौऱ्यावर आहे. संघाला २२ जुलैपासून वेस्ट इंडीजविरुद्ध तीन सामन्यांची एकदिवसीय मालिका खेळायची आहे. शिखर धवन या मालिकेत भारताच्या कर्णधाराची भूमिका पार पाडेल. मालिका सुरू होण्याच्या काही दिवस आधी संघ त्रिनिदादमध्ये दाखल झाला असून गुरुवार (२१ जुलै) संघाने सरावाला सुरुवात केली. 

भारतीय संघाला या दौऱ्यात वेस्ट इंडीजविरुद्ध एकदिवसीय आणि टी-२० मालिका खेळायची आहे. दौऱ्याच्या सुरुवातील वेस्ट इंडीज आणि भारतीय संघात तीन सामन्यांची एकदिवसीय मालिका पार पाडले. त्यानंतर उभय संघात पाच सामन्यांची टी-२० मालिका खेळळी जाईल. २२ जुलैला खेळल्या जाणाऱ्या पहिल्या एकदिवसीय सामन्यापूर्वी संघाचे पहिले सराव सत्र झाले. बीसीसीआयच्या अधिकृत ट्वीटर खात्यावरून या सराव सत्रातील व्हिडिओ शेअर केला गेला आहे.

Gearing up for ODI No.1 against the West Indies ????

Here's @ShubmanGill giving a lowdown on #TeamIndia's ???????? first net session in Trinidad ????????#WIvIND pic.twitter.com/oxF0dHJfOI

— BCCI (@BCCI) July 21, 2022

दौऱ्याचा एकंदरीत विचार केला, तर एकदिवसीय मालिकेत नियमित कर्णधार रोहित शर्मा उपलब्ध नसल्यामुळे शिखर धवन (Shikhar Dhawan) कर्धणाराच्या भूमिकेत दिसते. परंतु टी-२० मालिकेसाठी कर्णधार रोहित संघासोबत जोडला जाईल. खराब फॉर्ममधील विराट कोहलीने या दौऱ्यातून माघार घेतली असून, जसप्रीत बुमराहला निवडकर्त्यांकडून विश्रांती दिली गेली आहे.

वेस्ट इंडीजविरुद्धच्या एकदिवसीय मालिकेसाठी निवडला गेलेला भारतीय संघ –
शिखर धवन (कर्णधार), रवींद्र जडेजा (उपकर्णधार), ऋतुराज गायकवाड, शुभमन गिल, दीपक हुड्डा, सूर्यकुमार यादव, श्रेयस अय्यर, ईशान किशन (यष्टीरक्षक), संजू सॅमसन (यष्टीरक्षक), शार्दुल ठाकुर, युजवेंद्र चहल, अक्षर पटेल, आवेश खान , प्रसिद्ध कृष्णा, मोहम्मद सिराज, अर्शदीप सिंह.