वुमन्स प्रीमियर लीग (WPL) 2026 चा पहिला डबल हेडर सामना शनिवार, 10 जानेवारीला खेळला जाणार आहे. डबल हेडरमध्ये पहिली टक्कर गुजरात जायंट्स आणि यूपी वारियर्स यांच्यात होणार आहे, तर दुसऱ्या सामन्यात दिल्ली कॅपिटल्स आणि मुंबई इंडियन्स यांचा सामना रंगणार आहे. मुंबई इंडियन्ससाठी हा मोसमातील दुसरा सामना आहे, कारण पहिल्या सामन्यात संघाला रॉयल चॅलेंजर्स बंगळुरूच्या विरुद्ध शेवटच्या ओव्हरमध्ये पराभवाचा सामना करावा लागला होता.
पहिला डबल हेडर सामना नवी मुंबईच्या डीवाय पाटील क्रिकेट स्टेडियममध्ये होईल. हाच मैदान मागील सामन्यासाठीही निवडण्यात आले होते. खेळपट्टीवर गोलंदाजी आणि पलंदाजी दोन्हीमध्ये टक्कर पाहायला मिळाली होती. डबल हेडरमध्ये दुपारी यूपी आणि गुजरात संघ मैदानात उतरतील, तर संध्याकाळी दिल्ली कॅपिटल्स आणि मुंबई इंडियन्स आमनेसामने भिडतील.
डबल हेडरचा पहिला सामना दुपारी 3:30 वाजता सुरू होईल. दिवसाच्या सामन्यात टॉसची भूमिका निर्णायक ठरू शकते. डीवाय पाटील स्टेडियमच्या दिवसा होणाऱ्या सामन्यात टॉस जिंकणारा संघ प्रथम फलंदाजीची निवड करेल, जेणेकरून मोठा स्कोर करून विजय सुनिश्चित करता येईल. दुसऱ्या सामन्याची सुरुवात संध्याकाळी 7:30 वाजता होईल, आणि टॉससाठी कर्णधार 7 वाजता मैदानावर येतील. संध्याकाळच्या सामन्यात टॉस जिंकणरा संघ प्रथम क्षेत्ररक्षण करणे पसंत करेल.
सर्व सामन्यांचा टेलिकास्ट स्टार स्पोर्ट्स नेटवर्कवर विविध भाषांमध्ये होईल. शिवाय, जिओस्टार अॅपवरही सामन्याचे लाईव्ह स्ट्रिमिंग पाहता येईल. त्यामुळे चाहत्यांना WPL 2026 मधील सर्व रोमांचक सामना आणि थरारक क्षणांचा अनुभव दोन्ही प्लॅटफॉर्मवर घेता येईल.
