यंदाचा वर्षात 2024 मध्ये भारतीय संघासाठी टी-20 फॉरमॅट खूप चांगला होता. ज्यामध्ये भारताला टी20 विश्वचषक 2024 चे विजेतेपद पटकावण्यात यश आले. पण याशिवाय 2024 साली भारतीय संघातही अनेक बदल झाले. टीम इंडियाला गौतम गंभीरच्या रूपाने नवा मुख्य प्रशिक्षक मिळाला, तर रोहित शर्माने टी-20 मधून निवृत्ती घेतली. आणि केवळ एकदिवसीय संघाचा कर्णधार राहिला. अशा परिस्थितीत वनडेमध्ये भारतीय संघासाठी 2024 हे वर्ष कसे गेले हे जाणून घेणे मनोरंजक ठरेल.
रोहितला कर्णधारपदाच्या ओझ्यातून दिलासा मिळाला
टी20 विश्वचषक 2024 जिंकल्यानंतर रोहित शर्माने पांढऱ्या चेंडू क्रिकेटच्या टी20 फॉरमॅटमधून निवृत्तीची घोषणा केली होती. त्यानंतर त्याने टीम इंडियाचे टी20 कर्णधारपद सोडले आणि पांढऱ्या चेंडूच्या क्रिकेटमध्ये केवळ एकदिवसीय सामन्यांचा कर्णधार बनून कर्णधारपदाचे ओझे हलके केले.
वनडेमध्ये भारत जागतिक क्रमवारीत अव्वल राहिला
या वर्षी 2024 मध्ये भारताची वनडे रँकिंग उत्कृष्ट होती. आयसीसी जागतिक क्रमवारीत भारत पहिल्या क्रमांकावर कायम आहे. पुरुषांच्या फलंदाजीच्या क्रमवारीत भारतीय फलंदाजांनी दुसरे, तिसरे आणि चौथे स्थान पटकावले. यामध्ये रोहित शर्मा दुसऱ्या, शुबमन गिल तिसऱ्या आणि विराट कोहली चौथ्या स्थानावर आहे.
भारतीय संघाने 2024 मध्ये वनडे मालिका गमावली
2024 मध्ये टीम इंडियाने फक्त एक वनडे मालिका खेळली आहे. ही एकदिवसीय मालिका श्रीलंकेविरुद्ध होती. ज्यासाठी भारतीय संघ श्रीलंकेच्या दौऱ्यावर गेला होता. भारत आणि श्रीलंका यांच्यात 2 ऑगस्ट ते 7 ऑगस्ट दरम्यान तीन सामन्यांची एकदिवसीय मालिका खेळवली गेली. ज्यामध्ये दोघांमधील एक सामना अनिर्णित राहिला आणि दोन सामने श्रीलंकेने जिंकले.
श्रीलंकेविरुद्धच्या दुसऱ्या एकदिवसीय सामन्यात लक्ष्याचा पाठलाग करताना भारतीय संघ 42.2 षटकात 208 धावांवर सर्वबाद झाला. त्यामुळे श्रीलंकेला हा सामना 32 धावांनी जिंकण्यात यश आले. यानंतर तिसऱ्या एकदिवसीय सामन्यातही लक्ष्याचा पाठलाग करताना भारत 23.1 षटकांत 138 धावांत सर्वबाद झाला. तिसरी वनडे 110 धावांनी जिंकण्यात श्रीलंकेला यश आले. भारताने ही एकमेव एकदिवसीय मालिका 2-0 ने गमावली.
हेही वाचा-
“त्याला स्वत:ला सिद्ध करण्याची गरज नाही” माजी दिग्गजाचे रोहितबद्दल मोठे वक्तव्य!
तिसऱ्या कसोटीत भारताचे वाढणार टेन्शन? ऑस्ट्रेलियाच्या स्टार गोलंदाजाचे होणार पुनरागमन
