इंडियन प्रीमियर लीग २०२२ हंगामातील साखळी फेरी सामने संपायला आले आहेत. त्यामुळे हळूहळू प्लेऑफचे चित्रपटही स्पष्ट होत आहे. गुजरात टायटन्स आणि लखनऊ सुपरजायंट्स संघांसह राजस्थान रॉयल्स संघही प्लेऑफच्या शर्यतीत आघाडीवर आहे. राजस्थानला हे यश साध्य करून देण्यात त्यांचा फिरकीपटू युझवेंद्र चहल आणि सलामीवीर जोस बटलर यांचा मोठा हात आहे. एकीकडे बटलर राजस्थानलाठी खोऱ्याने धावा काढत आहे, तर दुसरीकडे चहल भल्याभल्या फलंदाजांना त्याच्या फिरकीच्या जाळ्यात फसवताना दिसतोय.
दरम्यान या दोन्ही खेळाडूंचा एक व्हिडिओ सोशल मीडियावर व्हायरल होत आहे, ज्यामध्ये हे खेळाडू थिरकताना दिसत आहेत. राजस्थान संघाने (Rajasthan Royals) त्यांच्या इंस्टाग्राम अकाउंटवर हा व्हिडिओ शेअर केला आहे.
महा स्पोर्ट्सचा व्हॉट्सअप ग्रुप जॉइन करण्यासाठी इथे क्लिक करा
बल्ले नी बल्ले गाण्यावर केला डान्स
चार्टबस्टर गाणे ‘बल्ले नी बल्ले’ या गाण्यावर चहल (yuzvendra Chahal) आणि बटलर (Jos Buttler) थिरकताना दिसत आहेत. व्हिडिओमध्ये दिसते की, दोन्हीही खेळाडू स्टेप्स फॉलो करत नाचायला सुरुवात करतात. या गाण्याच्या शेवटी चहल त्याची सिग्नेचर पोज करतो. तो गाण्याच्या शेवटी जमीनीवर झोपतो आणि एक हात डोक्याखाली व एक हात पायावर ठेवून पोज देतो. बटलरही त्याला साथ देत त्याच्या पोजची नक्कल (Yuzvendra Chahal Signature Pose) करतो. शेवटी या दोघांनाही हसू फुटते.
मैदानावर आपल्या प्रदर्शनाच्या जोरावर विरोधी संघाला थिरकवणाऱ्या या खेळाडूंना पंजाबी गाण्यावर ठेका धरताना (Chahal & Buttler Dance) पाहून चाहते खुश झाले आहेत. त्यांच्या या व्हिडिओवर लाईक्स आणि कमेंट्सचा पाऊस पडत आहे.
https://www.instagram.com/reel/CdM5jr0lKUI/?utm_source=ig_web_copy_link
