स्टंपिंग करताना झिम्बाब्वेच्या यष्टीरक्षकाकडून मोठी चूक, प्रेक्षकांवर पोट धरून हसण्याची वेळ

टी20 विश्वचषक 2022 ( T20 World Cup 2022)मध्ये बुधवारी (दि.2 नोव्हेंबर) नेदरलँड्स आणि झिम्बाब्वे यांच्यात सामना खेळवला गेला. या सामन्यात नेदरलँड्सने झिम्बाब्वेला 5 गडी राखून सहज मात केली. मात्र, या सामन्यात एक मजेशीर गोष्ट देखील घडली, ज्यामुळे दर्शकांना पोट धरून हसायला भाग पाडले. नेदरलँड्सच्या विजयाबरोबरच प्रेक्षकांनी हा क्षण देखील नजरेत कैद केला. तो क्षण म्हणजे झिम्बाब्वेचा यष्टीरक्षक रेजिस चकाब्वा याचा स्टंप्समागील एक मजेशीर कारनामा.

हा किस्सा डावाच्या 18व्या षटकातला आहे, जेव्हा झिम्बाब्वे संघाचा गोलंदाज सीन विलियम्स याने नेदरलँड्सचा फलंदाज बस डी लीडे (Bas De Leede) याला एक स्लोवर चेंडू टाकला. या चेंडूवर नेदरलँड्सच्या फलंदाजाने क्रीजच्या बाहेेर येऊन मारण्याचा प्रयत्न केला. मात्र, त्याचा फटका हुकला आणि चेंडू यष्टीरक्षरक रेजिस चकाब्वा (Regis Chakabva) याच्या हातात गेला. फलंदाजाला वाटले की तो सहजरीत्या यष्टीचीत होईल आणि तो डगआऊटच्या दिशेने चालू लागला. मात्र, चकाब्वाच्या हातून चेंडू निसटला आणि दुसऱ्यांदा चेंडू पकडण्याच्या प्रयत्नात तो पाय घसरून पडला. या सगळ्यात फलंदाज यष्टीचीत होण्यापासून वाचला.

आयसीसीने या सामन्यातील ह्या मजेशीर क्षणाचा व्हिडिओ सोशल मिडीयावर शेअर आहे.  या व्हिडिओला ‘कॉमेडी ऑफ एरर्स’ असे कॅप्शन दिले आहे.

https://www.instagram.com/reel/CkcysnHJ0oS/?utm_source=ig_web_copy_link

या सामन्यात, नेदरलँड्सने झिम्बाब्वेवर 5 गडी राखून पराभूत करत टी20 विश्वचषकाच्या सुपर-12 फेरीतील पहिला विजय मिळवला. या सामन्यात त्यांंच्या वेगवान गोलंदाजांनी चांगले प्रदर्शन केले, त्याचबरोबर सलामीवीर फलंदाज मॅक्स ओ’डाउड ( Max O’Dowd) याच्या अर्धशतकी खेळीच्या जोरावर नेदरलँड्सने झिम्बाब्वेवर विजय मिळवला. मॅक्सने 47 चेंडूत 52 धावा केल्या, यामुळे नेदरलँड्सने 118 धावांचे आव्हान 2 षटक बाकी असताना 120 धावा करत गाठले. या विजयामुळे त्यांना गुणतालिकेत 2 अंक मिळाले, पण ते आधीच नॉकआऊटच्या शर्यतीतून बाहेर पडलेले आहेत. बुधवारी झालेल्या सामन्यात मिळालेल्या पराभवामुळे झिम्बाब्वेच्या उपांत्य फेरी गाठण्याच्या अपेक्षा जवळपास संपल्या आहेत. याआधी सिकंदर रझा (Sikandar Raza) याने धमाकेदार प्रदर्शन केलेले. मात्र, त्याचा पूर्ण संघ 117 धावांवर सर्वबाद झाला.

महास्पोर्ट्सचा व्हॉट्सअप ग्रुप जॉईन करण्यासाठी येथे क्लिक करा
महत्वाच्या बातम्या-
VIDEO: पराभवानंतर बांगलादेशची रडारड! विराटवरच लावला ‘फेक फिल्डींग’चा आरोप; म्हणाले, ‘त्या 5 धावा…’
विराटचे तोंड उघडवणारा राहुलचा षटकार पाहिला का? पाहून तुमच्याही बत्त्या होतील गुल