राजस्थान संघाकडून झालं ‘ट’ चं ‘क’, मग काय थेट इंग्लंडच्या…

बहुप्रतिष्ठित टी२० लीग आयपीएलच्या १३ व्या हंगामातील अर्धा टप्पा पूर्ण झाला आहे. या हंगामात भारतासह जगभरातील स्टार क्रिकेटपटूंनी यामध्ये सहभाग नोंदवला आहे. यूएईत आयोजित होत असलेल्या आयपीएलमध्ये प्रत्येक खेळाडू चमकदार कामगिरी करत आहे. अशामध्ये नुकतेच इंग्लंडचा स्टार अष्टपैलू खेळाडू बेन स्टोक्सने आयपीएलमध्ये एन्ट्री केली आहे. तो आयपीएलमध्ये राजस्थान रॉयल्स संघाकडून खेळतो.

बेन स्टोक्स मैदानावर उतरला, पण फ्रँचायझीकडून झाली मोठी चूक

राजस्थान रॉयल्स संघाच्या सर्वात महागड्या खेळाडूंमध्ये सामील असलेला बेन स्टोक्सला आयपीएल २०२० मधील सुरुवातीचे ६ सामने खेळता आले नाही. तो न्यूझीलंडमध्ये कँसरने ग्रस्त असलेल्या आपल्या वडिलांजवळ होता. वडिलांनी सांगितल्यानंतर स्टोक्स आयपीएलमध्ये सहभागी झाला.

बेन स्टोक्स यूएईत आल्यानंतर त्याने आपला ६ दिवसांचा क्वारंटाईन कालावधी पूर्ण केला होता. त्यानंतर राजस्थानने त्याला आपला पहिला सामना खेळण्यासाठी रविवारी (११ ऑक्टोबर) सनरायझर्स हैदराबाद संघाविरुद्ध मैदानात उतरवले होते. यादरम्यान तो मैदानावर उतरला, पण राजस्थान रॉयल्स फ्रँचायझीकडून स्टोक्सबद्दल एक चूक झाली. त्यानंतर मोठ्याप्रमाणात थट्टा करण्यात आली.