आयपीएलच्या १३व्या हंगामातील तिसरा सामना आज सनरायझर्स हैद्राबाद विरुद्ध रॉयल चॅलेंजर बेंलगोर संघात होत आहे. दुबई आंतरराष्ट्रीय क्रिकेट स्टेडियम, दुबई येथे हा सामना खेळला जात आहे. अशात बेंगलोर संघाचा कर्णधार विराट कोहलीने या पहिल्याच सामन्यात देशांतर्गत क्रिकेटमधील स्टार खेळाडू देवदत्त पड्डीकलला प्लेइंग इलेव्हनमध्ये स्थान दिले आहे. त्यामुळे पड्डीकलने आयपीएलमध्ये पदार्पण केले आहे.
हैद्राबादचा कर्णधार डेव्हिड वॉर्नरने नाणेफेक जिंकत प्रथम क्षेत्ररक्षण करण्याचा निर्णय घेतला. त्यामुळे बेंगलोरचे फलंदाज ऍरॉन फिंच आणि पड्डीकल सलामीला फलंदाजासाठी मैदानावर उतरले. अशात पड्डिकलने दमदार फलंदाजी करत सामन्यातील १०व्या षटकातच अर्धशतक ठोकले. पण पुढील षटकातील शेवटच्या चेंडूवर विजय शंकरने त्याला त्रिफळाचीत केले. त्यामुळे तो ४२ चेंडूत ८ चौकारंसह ५८ धावा करत पव्हेलियनमध्ये परतला.
असे असले तरी, तो २० वर्षे ७६ दिवसांच्या वयात आयपीएलमध्ये पदार्पण करत अर्धशतक ठोकणारा दूसरा सर्वात युवा फलंदाज ठरला आहे. त्याच्याआधी एस गोस्वामी या यादीत अव्वल क्रमांकावर विराजमान आहे. त्याने २००८ साली १९ वर्षे १ दिवसांच्या वयात आयपीएलमध्ये पदार्पण केले होते आणि पदार्पणाच्या सामन्यात अर्धशतकी खेळी केली होती.
याव्यतिरिक्त आयपीएल पदार्पणाच्या सामन्यात अर्धशतक करणाऱ्या सर्वात युवा फलंदाजांच्या यादीत शिखर धवन तिसऱ्या क्रमांकावर आहे. त्याने २००८ साली २२ वर्षे १३६ दिवसांच्या वयात आयपीएल पदार्पणाच्या सामन्यात अर्धशतक ठोकत हा विक्रम केला होता. तर २००९ साली २२ वर्षे १८७ दिवसांच्या वयात डेव्हिड वॉर्नरने हा कारनामा केला होता.
आयपीएल पदार्पणात अर्धशतक करणारे सर्वात युवा फलंदाज
१९ वर्ष १ दिवस- एस गोस्वामी (२००८)
२० वर्ष ७६ दिवस- देवदत्त पडिक्कल (२०२०)
२२ वर्ष १३६ दिवस- शिखर धवन (२००८)
२२ वर्ष १८७ दिवस- डेविड वॉर्नर (२००९)
महत्त्वाच्या बातम्या –
आयपीएलच्या तेरा पैकी आठ संघाकडून खेळणारा ‘तो’ ठरला पहिला खेळाडू
नकोसा विक्रम करण्यात आरसीबीचा कुणी हात धरत नाही, पहा काय केलाय नवा विक्रम
सनरायझर्स हैद्राबाद विरुद्ध रॉयल चॅलेंजर बेंलगोर सामन्यात असे आहेत दोन्ही संघ
ट्रेंडिंग लेख –
पंजाबविरुद्धच्या पहिल्याच सामन्यात दिल्लीचे ‘हे’ ५ खेळाडू खेळले नसते तर काही खरं नव्हतं
कसोटीत त्रिशतक, वनडेत द्विशतक व टी२०त शतक करणाऱ्या जगातील एकमेव क्रिकेटरचा आज आहे बड्डे
आज आयपीएलमध्ये विराट, विलियम्सनसह या खेळाडूंना आहे मोठे विक्रम करण्याची संधी