चेन्नई-राजस्थान सामन्यात झाले मोठे विक्रम, सॅमसनच्या नावावर झाली ‘एवढ्या’ विक्रमांची नोंद

बहुप्रतिक्षीत आयपीएल २०२० चा हंगाम अखेर १९ सप्टेंबरपासून सुरु झाला. या हंगामातील चौथा सामना मंगळवारी शारजाहमध्ये चेन्नई सुपर किंग्स विरुद्ध राजस्थान रॉयल्स संघात सामना पार पडला. या सामन्यात राजस्थानने चेन्नईचा १६ धावांनी पराभव केला. राजस्थानने प्रथम फलंदाजी करत २० षटकात ७ विकेट्स गमावत २१६ धावा केल्या. चेन्नई राजस्थानच्या २१७ धावांच्या आव्हानाचा पाठलाग करताना २० षटकात ६ विकेट्स गमावत केवळ २०० धावाच करु शकला.

परंतु, अतिशय रोमांचक ठरलेल्या या सामन्यात एकाहून एक दमदार विक्रमांची नोंद झाली आहे. या लेखात आम्ही त्याच विक्रमांचा आढावा घेतला आहे.

राजस्थान रॉयल्स विरुद्ध चेन्नई सुपर किंग्स सामन्यातील खास आकडेवारी (9 Records Made In CSK Vs RR Match) –

१) राजस्थान संघाचा हा चेन्नईविरुद्ध ८वा विजय होता. यापुर्वी दोन्ही संघात एकूण २१ सामने झाले आहेत. त्यातील १४ सामने चेन्नईने जिंकले, तर राजस्थानने ७ सामने खिशात घातले होते.

२) राजस्थानचा यष्टीरक्षक फलंदाज संजू सॅमसनने चेन्नईविरुद्धच्या सामन्यात त्याच्या आयपीएल कारकिर्दीतील ११ अर्धशतक ठोकले. त्याने ३२ चेंडूत ७४ धावांची दमदार खेळी केली. यात त्याच्या एका चौकाराचा आणि ९ षटकारांचा समावेश होता.

३) राजस्थानचा कर्णधार स्टिव्ह स्मिथने चेन्नईविरुद्धच्या सामन्यात आयपीएल कारकिर्दीतील ९वे अर्धशतक ठोकले. त्याने ४७ चेंडूत ६९ धावांची शानदार खेळी केली होती. यात त्याच्या ४ चौकार आणि ४ षटकारांचा समावेश होता.

४) या सामन्यात सॅमसन ९ षटकार मारत, आयपीएलच्या एका डावात २ वेळा ९ किंवा त्यापेक्षा जास्त षटकार मारणारा पहिला आणि एकमेव भारतीय खेळाडू ठरला आहे. यापुर्वी त्याने २०१८मध्ये रॉयल चॅलेंजर्स बेंगलोरविरुद्धच्या सामन्यातील डावात १० षटकार ठोकले होते.

५) चेन्नईचा डेथ ओव्हर स्पेशलिस्ट लुंगी एन्गिडी याने राजस्थानच्या डावातील शेवटच्या म्हणजे २०व्या षटकात तब्बल ३० धावा दिल्या. यासह त्याने आयपीएलच्या २०व्या षटकात अतिशय खराब गोलंदाजी करण्याचा नकोसा विक्रम आपल्या नावावर केला आहे.

त्याच्या व्यतिरिक्त नुकताच किंग्स इलेव्हन पंजाबचा ख्रिस जॉर्डन याने दिल्ली कॅपिटल्सविरुद्ध ३० धावा देत हा नकोसा विक्रम आपल्या नावावर केला आहे. तर २०१७ साली राइझिंग पुणे सुपरजायंट्सचा अशोक दिंडा याने मुंबई इंडियन्सविरुद्ध शेवटच्या षटकात ३० धावा दिल्या होत्या.

ट्रेंडिंग लेख –

मुंबई-कोलकाता सामन्यामध्ये रोहित, रसलसह ‘या’ खेळाडूंना आहे मोठे विक्रम करण्याची संधी 

दे घुमा के! भारतीय फलंदाज गाजवतायेत आयपीएलचा १३ वा हंगाम

‘या’ ३ फलंदाजांचे ट्वेंटी२०मध्ये आहे मोठे नाव, पण आंतरराष्ट्रीय स्तरावर करता आले नाही एकही अर्धशतक

महत्त्वाच्या बातम्या –

‘या’ गोष्टीमुळे गमवावा लागला सामना, राजस्थान विरुद्धच्या पराभवानंतर धोनीची प्रतिक्रिया

पुन्हा एकदा राजस्थानविरुद्धच्या सामन्यात धोनीने घातला पंचाशी वाद, ‘हे’ आहे कारण

तू वरच्या क्रमांकावर फलंदाजीला का येत नाही? धोनीने दिले ‘हे’ उत्तर