नवी दिल्ली। विश्वचषक २०११ मधील ऐतिहासिक अंतिम सामन्यादरम्यान तत्कालीन कर्णधार एमएस धोनीने विजयी षटकार ठोकला होता. आणि आपल्या संघाला दुसऱ्यांदा आयसीसी विश्वचषक जिंकून दिला होता. त्यावेळी वानखेडे स्टेडिअममध्ये हरवलेला तो चेंडू शोधण्यासाठी आता भारतीय संघाचे दिग्गज माजी कर्णधार सुनील गावसकर मुंबई क्रिकेट असोसिएशनच्या मदतीसाठी पुढे आले आहेत.
चेंडू पकडणारा प्रेक्षक निघाला सुनील गावसकरांच्या ओळखीचा
ज्यावेळी चेंडूचा शोध घेणे सुरू होते, त्यावेळी गावसकरांनी एमसीएला सांगितले की, चेंडू पकडणारा प्रेक्षक हा त्यांच्या मित्राच्या ओळखीचा आहे.
योग्य स्थान आणि सामन्यातील चेंडू शोधण्याचे काम धोनीने आंतरराष्ट्रीय क्रिकेटमधून निवृत्ती घेतल्यानंतर म्हणजेच मागील महिन्यापासून सुरू झाले होते. एमसीएसच्या अपेक्स काऊंसिलचे सदस्य अजिंक्य नाईक यांनी धोनीला वानखेडे स्टेडिअममध्ये चेंडू ज्या ठिकाणी पडला होता, त्या जागेवर एक स्थायी सीट देऊन सन्मानित करण्याच्या विचारासहित नियामक मंडळाला पत्रही लिहिले होते.
एमसीए घेऊ शकते गावसकरांची मदत
एमसीएच्या एका सदस्याने सांगितले, “गावसकरांनी अंजिक्य यांना सांगितले की, त्यांचा मित्र त्या जागी उपस्थित असणाऱ्या व्यक्तीला ओळखतो. आणि त्या व्यक्तीकडे चेंडूही आहे.”
अशी अपेक्षा केली जात आहे की, एमसीए गावसकरांशी त्या प्रेक्षकासोबत संपर्क साधण्याचीही विनंती करेल.
स्टेडिअममधील सीटला नाव देणे परदेशात साधारण बाब आहे. न्यूझीलंडच्या ऑकलंड येथील ग्रँट एलियटच्या नावावर अशीच एक सीट आहे. ज्या ठिकाणी त्याने षटकार मारत आपल्या संघाला विश्वचषक २०१५ च्या अंतिम सामन्यात विजय मिळवून दिला होता. त्यावेळी न्यूझीलंड संघाने विश्वचषकाच्या अंतिम सामन्यात पहिल्यांदा एंट्री केली होती.
सध्या धोनी यूएईमध्ये आयपीएल २०२० मध्ये आपल्या चेन्नई सुपर किंग्ज संघाचे नेतृत्व करत आहे. त्याने आपले सुरुवातीचे २ सामनेही खेळले आहेत. त्यात त्याच्या संघाने पहिल्या सामन्यात मुंबई इंडियन्सविरुद्ध विजय मिळविला, तर राजस्थान रॉयल्सविरुद्धच्या सामन्यात १६ धावांनी पराभवाचा सामना करावा लागला. राजस्थानविरुद्ध धोनीने ३ षटकारही ठोकले.
महत्त्वाच्या बातम्या-
-पाहा तर स्मिथ काय म्हणतोय, धोनी- फाफने शेवटच्या षटकात चांगले शॉट्स ठोकले, पण…
-क्रिकेटप्रेमींसाठी आनंदाची बातमी! आता करता येणार वानखेडे स्टेडियमची सफर
-‘या’ गोष्टीमुळे गमवावा लागला सामना, राजस्थान विरुद्धच्या पराभवानंतर धोनीची प्रतिक्रिया
ट्रेंडिंग लेख-
-चेन्नई-राजस्थान सामन्यात बनले मोठे विक्रम, संजू सॅमसनच्या नावावर झाली ‘एवढ्या’ विक्रमांची नोंद
-मुंबई-कोलकाता सामन्यामध्ये रोहित, रसलसह ‘या’ खेळाडूंना आहे मोठे विक्रम करण्याची संधी
