क्रांतीज्योत महिला प्रतिष्ठान युवा कबड्डी सिरीज मध्ये आजपासून प्रमोशन फेरीला सुरुवात झाली. अहमदनगर पेरियार पँथर्स, मुंबई शहर मौर्य मेवरीक्स, कोल्हापूर ताडोबा टायगर्स व ठाणे हम्पी हिरोज या संघांनी प्रमोशन फेरीत विजयी सुरुवात केली. प्रमोशन फेरीच्या पहिल्या दिवशी सर्व लढती एकतर्फी झाल्या.
पहिल्या लढतीत अहमदनगर पेरियार पँथर्स संघाने यजमान पुणे पलानी टस्कर्स संघावर 61-23 असा विजय मिळवला. अहमदनगर संघात आगमन झालेल्या आदित्य शिंदे पहिल्याच सामन्यात आपली छाप पाडली. आदित्य शिंदे ने एकूण 14 गुण मिळवले तर प्रफुल झवारे ने 12 गुण मिळवले. संकेत खलाटे ने 8 तर अभिषेक पवार ने 5 पकडी करत महत्वपूर्ण भूमिका निभावली. पुणे कडून हर्षद माने ने हाय फाय पूर्ण केला.
दोन शेजारील संघातील लढत म्हणजे मुंबई उपनगर मुर्थाल मॅग्नेट्स विरुद्ध मुंबई शहर मौर्य मेवरीक्स यांच्यात झाली. दोन्ही संघ तुल्यबळ होते. त्यामुळे चांगल्या सामन्याची अपेक्षा होती. मात्र मुंबई शहर ने पहिल्याच हाफ मध्येव 25-5 अशी भक्कम आघाडी मुंबई शहर कडे होती. त्यानंतर मुंबई उपनगर संघाने प्रतिकार केला मात्र त्याना सामना जिंकण्यात अपयश आले. 43-29 असा मुंबई शहर ने विजय मिळवला.
कोल्हापूर ताडोबा टायगर्स संघाने नांदेड चांबल चॅलेंजर्स संघावर 50-31 अशी मात दिली. कोल्हापूर संघाकडून तेजस पाटील व ओमकार पाटील ने सुपर टेन पूर्ण केला तर वैभव राबडे व साईप्रसाद पाटील ने हाय फाय केला. ठाणे हम्पी हिरोज संघाने 44-31 असा नाशिक द्वारका डिफेंडर्स संघावर विजय मिळवत प्रमोशन फेरीत विजयाने सुरुवात केली. ठाणे कडून विघ्नेश चौधरी ने 12 तर निखिल भोईर ने 8 गुण मिळवले. (A one-sided match on the first day in the promotion round of the Yuva Kabaddi Series)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
मुंबई शहर मौर्य मेवरीक्स संघाची मुंबई उपनगर मुर्थाल मॅग्नेट्स संघावर मात
प्रमोशन फेरीत कोल्हापूर ताडोबा टायगर्स संघाचा विजय
