आशिया चषक 2023 स्पर्धेतील तिसरा सामना भारत विरुद्ध पाकिस्तान संघात खेळला जात आहे. या सामन्यात भारतीय संघाने नाणेफेक जिंकत फलंदाजीचा निर्णय घेतला. जगभरातील क्रिकेटप्रेमींच्या नजरा या सामन्यावर लागल्या आहेत. यामध्ये बॉलिवूड अभिनेत्री उर्वशी रौतेला हिच्या नावाचाही समावेश आहे. उर्वशीने सामना पाहतानाचा एक फोटो शेअर केला आहे. या फोटोत पाकिस्तानचा वेगवान गोलंदाज नसीम शाह याचीही झलक पाहायला मिळत आहे. दोघांच्या नात्याच्या बातम्यांनी आधीही जोर धरला होता. अशात उर्वशीने नसीमचा फोटो शेअर केल्यामुळे पुन्हा एकदा चर्चांना उधाण आले आहे.
उर्वशीची पोस्ट
अभिनेत्री उर्वशी रौतेला (Actress Urvashi Rautela) हिने तिच्या अधिकृत इंस्टाग्राम अकाऊंटवर भारत विरुद्ध पाकिस्तान सामना पाहतानाचा फोटो शेअर केला आहे. या फोटोत पाकिस्तानचा संपूर्ण संघ दिसत आहे. तसेच, नसीम शाह हा या फोटोच्या मधोमध आहे. उर्वशीने हा फोटो शेअर करत लिहिले आहे की, ही तिची वर्कआऊटची वेळ आहे. यावरून स्पष्ट होते की, जिममध्ये फिटनेससाठी मेहनत घेत आहे आणि सामनाही पाहत आहे. आता उर्वशीची इंस्टा स्टोरी सोशल मीडियावर सर्वत्र व्हायरल होत आहे.
कधी सुरू झाली चर्चा?
मागील वर्षी आशिया चषक टी20 क्रिकेट प्रकारात खेळला गेला होता. यादरम्यान उर्वशीने एक व्हिडिओ शेअर केला होता. यामध्ये ती आणि नसीम शाह हसताना दिसत होते. चाहत्यांनी दोघांचाही हसतानाचा वेगवेगळा व्हिडिओ एकत्र करून बनवला होता. हा व्हिडिओ उर्वशीने आपल्या अकाऊंटवर शेअर केला होता. यानंतर नसीम शाह याच्यासोबत तिच्या नात्याच्या बातम्यांनी जोर धरला होता. मात्र, नंतर उर्वशीने या प्रकरणी स्पष्टीकरणही दिले होते. तिने इंस्टाग्रामवर स्टोरी शेअर करत लिहिले होते, “दोन दिवसांपूर्वी माझ्या टीमने एक क्यूट व्हिडिओ शेअर केला होता, जो कोणत्यातरी चाहत्याने एडिट केला होता. आम्हाला माहिती नव्हते, की इतर कोणते लोक सामील आहेत. मी माध्यमांना निवेदन करते की, याबाबत कोणतीही बातमी बनवू नका. सर्वांना धन्यवाद. सर्वांना प्रेम.”
भारतीय संघाने गमावल्या 3 विकेट्
भारतीय संघ पाकिस्तानविरुद्ध प्रथम फलंदाजीसाठी उतरला. मात्र, हा निर्णय पाकिस्तानी गोलंदाजांनी प्राथमिकरीत्या चुकीचा ठरवला. भारताला रोहित शर्मा, विराट कोहली आणि श्रेयस अय्यर या तीन स्टार फलंदाजाच्या रूपात मोठा धक्का बसला. 9.5 षटकात भारताने 48 धावांवर या तिघांच्या विकेट गमावल्या. पाकिस्तानी वेगवान गोलंदाज शाहीन आफ्रिदीने रोहित (11) आणि विराट (4) यांना त्रिफळाचीत बाद केले. तसेच, श्रेयस हॅरिस रौफच्या गोलंदाजीवर इफ्तिखार अहमदच्या हातून झेलबाद झाला. (actress urvashi rautela shares naseem shah photo watching ind vs pak odi asia cup match)
हेही वाचा-
IND vs PAK: अश्विनने शेअर केला राष्ट्रगीताचा व्हिडिओ, कॅप्शन जिंकेल तुमचेही मन
पाकिस्तानची सुंदरी आहे विराटची डाय हार्ट फॅन, पोहोचली श्रीलंकेला, कोणाच्या विजयासाठी प्रार्थना?
