या फिफा विश्वचषकात FIFA World Cup 2026 गतविजेत्या Cape Verde vs Argentina अर्जेंटिनासाठी केप व्हर्डे विरुद्धची ‘राऊंड ऑफ 32’ लढत अजिबात सोपी ठरली नाही. अत्यंत चुरशीच्या आणि शेवटच्या क्षणापर्यंत रंगलेल्या या सामन्यात अर्जेंटिनाने 3-2 असा विजय मिळवत ‘प्री-क्वार्टर फायनल’मध्ये Argentina Round of 16 (राऊंड ऑफ 16) आपले स्थान निश्चित केले.
फिफा विश्वचषकाच्या इतिहासात पदार्पण करणाऱ्या केप व्हर्डेने आपल्या प्रभावी कामगिरीने सर्वांची मने जिंकली. अर्जेंटिनाला विजयासाठी खूप संघर्ष करावा लागला. मात्र, केप व्हर्डेचा खेळाडू दिनी बोर्जेस याच्याकडून झालेला दुर्दैवी ‘ओन गोल’ संघासाठी मोठा धक्का ठरला आणि त्यांची विश्वचषकातील मोहीम ‘राऊंड ऑफ 32’ मध्येच संपुष्टात आली. आता ‘राऊंड ऑफ 16’ मध्ये अर्जेंटिनाचा सामना इजिप्तशी होणार आहे.
अर्जेंटिना आणि केप व्हर्डे यांच्यातील ‘राऊंड ऑफ 32’ चा सामना मियामी स्टेडियमवर खेळला गेला. FIFA World Cup Knockout Stage पहिल्या हाफमध्ये, अर्जेंटिनाचा कर्णधार आणि दिग्गज खेळाडू लिओनेल मेस्सीने Lionel Messi 29व्या मिनिटाला गोल करत आपल्या संघाला 1-0 अशी आघाडी मिळवून दिली.
दुसऱ्या हाफच्या सुरुवातीपासूनच केप व्हर्डेने आक्रमक खेळ केला. त्यांच्या प्रयत्नांना 59व्या मिनिटाला यश आले, जेव्हा डेरॉय डुआर्टे याने गोल करून सामना 1-1 असा बरोबरीत आणला. दोन्ही संघांनी विजयासाठी प्रयत्न सुरू ठेवले, परंतु निर्धारित वेळेत आणखी कोणताही गोल झाला नाही आणि सामना 1-1 असा बरोबरीत राहिला.
निर्धारित वेळेनंतर अतिरिक्त वेळ सुरू होताच, अर्जेंटिनाच्या मार्टिनेझने 92व्या मिनिटाला गोल करून संघाला 2-1 अशी आघाडी मिळवून दिली. सामना अर्जेंटिनाच्या बाजूने झुकत असल्याचे वाटत असतानाच, केप व्हर्डेने जोरदार पुनरागमन केले.
103व्या मिनिटाला कॅब्रालने गोल करून सामना 2-2 असा बरोबरीत आणला, ज्यामुळे सामन्यात एक रोमांचक वळण आले. त्यानंतर खेळ आणखी 15 मिनिटांच्या कालावधीसाठी पुढे चालू राहिला. 111व्या मिनिटाला, लिओनेल मेस्सीने घेतलेल्या कॉर्नर किकचा बचाव करण्याचा प्रयत्न करताना केप व्हर्डेचा खेळाडू दिनी बोर्जेस याच्याकडून ओन गोल झाला. हाच सामन्यातील निर्णायक क्षण ठरला. त्यानंतर केप व्हर्डेने बरोबरी साधण्यासाठी आटोकाट प्रयत्न केले, परंतु त्यांना यश आले नाही. अर्जेंटिनाने 3-2 असा विजय मिळवला आणि ‘राऊंड ऑफ 16’ मध्ये प्रवेश केला.
अर्जेंटिनाचा पुढील सामना Argentina vs Egypt 7 जुलै रोजी रात्री 9.30 वाजता (भारतीय प्रमाणवेळेनुसार) इजिप्तविरुद्ध होणार आहे.
