क्रिकेटप्रेमींच्या नजरा सध्या आशिया चषक २०२२ वर लागून आहेत. २७ ऑगस्टपासून संयुक्त अरब अमिरातीत आशिया चषक खेळला जाणार आहे. भारतीय क्रिकेट संघ २८ ऑगस्ट रोजी कट्टर प्रतिद्वंद्वी पाकिस्तानविरुद्धच्या सामन्याने या मोहिमेची सुरुवात करेल. संपूर्ण क्रिकेटजगत उभय संघातील या घमासानाच्या प्रतिक्षेत आहे. तत्पूर्वी स्टार स्पोर्ट्सने या सामन्याचा प्रोमो चाहत्यांच्या भेटीला आणला आहे.
भारत विरुद्ध पाकिस्तान (IND vs PAK) संघातील या टी२० सामन्यासाठी सोमवारी (०८ ऑगस्ट) स्टार स्पोर्ट्सने प्रोमो (Asia Cup INDvsPAK Promo) जाहीर केला आहे. या प्रोमोच्या व्हिडिओत भारतीय कर्णधार रोहित शर्मा (Rohit Sharma) आणि पाकिस्तानचा कर्णधार बाबर आझम (Babar Azam) दिसत आहेत.
पाकिस्तान संघाच्या आव्हानासाठी तयार आहे रोहित
प्रोमोच्या या व्हिडिओत रोहित फलंदाजी करताना दिसत आहे. रोहितचा आवाज बॅकग्राउंडला ऐकू येतो. याबरोबरच लोकांचा आवाजही मागे ऐकू येत आहे. रोहित म्हणतो की, ‘एक ओळ आमच्यात आहे, जी खेळपट्टीपर्यंत ओढलेली आहे’. पुढे पाकिस्तान संघाच्या आव्हानाचा सामना करण्यासाठी भारतीय संघ सज्ज असल्याचे रोहितने म्हटले आहे.
तो म्हणतो की, ‘वर्षांनुवर्षे चालत आलेले नाते आहे आमचे.. क्रिकेटचे नाते.. त्या ओळीच्या पलीकडे.. खूप प्रतिभाशाली खेळाडू आहेत. आज या ओळीने पुन्हा आवाज दिला आहे. आणि आता भारताला आठव्यांदा आशिया चषक उंचवायचा आहे. पुन्हा जगात तिरंगा फडकवायचा आहे.’
तसेच व्हिडिओच्या शेवटी पाकिस्तानचा वेगवान गोलंदाज शाहिन आफ्रिकी रनअप घेण्यासाठी तयार असल्याचे दिसत आहे. तर रोहितही त्याचा सामना करण्यासाठी तयार दिसत आहे. भारत विरुद्ध पाकिस्तान संघातील टी२० विश्वचषक २०२१ मधील सामन्यात पाकिस्तानकडून आफ्रिदीने मॅच विनिंग प्रदर्शन केले होते.
𝐂𝐫𝐢𝐜𝐤𝐞𝐭'𝐬 𝐠𝐫𝐞𝐚𝐭𝐞𝐬𝐭 𝐫𝐢𝐯𝐚𝐥𝐫𝐲 returns to deliver a blockbuster with @ImRo45's #TeamIndia! 🤩#BelieveInBlue | #AsiaCup2022 | #INDvPAK | Aug 28, 6 PM | Star Sports & Disney+Hotstar pic.twitter.com/Jf01OLLwYz
— Star Sports (@StarSportsIndia) August 8, 2022
