कोण म्हणतंय ‘सुपरस्टार’, तर कुणी विराटच्या कव्हर ड्राईव्हच्या प्रेमात! कांगारुंकडून ‘किंग’ कोहलीचं कौतुक

जागतिक कसोटी अजिंक्यपदाच्या अंतिम सामन्यासाठी भारत आणि ऑस्ट्रेलिया संघ तयारी करत आहेत. इंग्लंडच्या द ओव्हल स्टेडियमवर 7 ते 11 जूनदरम्यान हा सामना खेळला जाणार आहे. उभय संघांतील ही लढत रोमांचक ठरणार आहे, कारण दोन्ही संघांमध्ये एकापेक्षा एक फलंदाज आणि गोलंदाज आहेत. विराट कोहली याच्या प्रदर्शनावर सर्वांचे विशेष लक्ष आहे. आयसीसीने एक खास व्हिडिओ शेअर केला आहे, ज्यात ऑस्ट्रेलिन खेळाडूही विराटचे कौतुक करताना दिसत आहेत.

भारताप्रमाणेच विराट कोहली (Virat Kohli) याचे चाहते जगभरात परसलेले आहेत. ऑस्ट्रेलियन संघातील खेळाडूंनाही विराटची गुणवत्ता माहिती आहे आणि यासाठी त्यांनी भारतीय फलंदाजांचे कौतुक देखील केले आहे. आयसीसीच्या अधिकृत सोशल मीडिया खात्यावरून हा व्हिडिओ शेअर केला गेला आहे, ज्यात ऑस्ट्रेलियन खेळाडू विराटविषयी एका शब्दात व्यक्त होत आहेत.

व्हिडिओत सर्वात आधी युवा फलंदाज कॅमरून ग्रीन (Cameron Green) दिसतो. ग्रीनने विराटला “मॅन ऑफ इंडियना,” असे म्हटले. त्यानंदर ऑस्ट्रेलियन दिग्गज सलामीवीर डेविड वॉर्नर बोलतो. वॉर्नरने विराटच्या कव्हर ड्राईव्हचे कौतुक केले. त्याच्या मते विराटचा कव्हर ड्राईव्ह अविश्वसनीय असतो. त्यानंतर मार्नल लाबुशेन बोलताना दिसतो. जगातील महान खेळाडूंपैकी एक, असा लाबुशेनने विराटचा उल्लेख केला. लाबुशेनच्या मते विकाट सर्व प्रकारच्या क्रिकेटमधील महान खेळाडू आहे. ऑस्ट्रेलियन सलामीवीर उस्मान ख्वाजा याने विराटचा “प्रतिस्पर्धी,” असा उल्लेख केला.

ऑस्ट्रेलियन संघाचा वेगावन गोलंदाज मिचेल स्टार (Mitchell Starc) त्यानंतर बोलतो. स्टार्कच्या मते विराट एक गुणवंत आणि मध्यक्रमातील महत्वाचा फलंदाज आहे. ऑस्ट्रेलियन संघाचा कर्णधार पॅट कमिन्स (Pat Cummins) देखील शेवटी विराटविषयी बोलला. कमिन्सने “एक चांगला खेळाडू,” असा विराटचा उल्लेख केला. ऑस्ट्रेलायन दिग्गज फलंदाज स्टीव स्मिथने विराटला “सुपर स्टार” म्हटले.

https://www.instagram.com/reel/CtB-PMeIklo/?utm_source=ig_web_copy_link&igshid=MzRlODBiNWFlZA==

दरम्यान, विराट कोहलीने ऑस्ट्रेलियाविरुद्ध नेहमीच चांगले प्रदर्शन करत आला आहे आणि त्याची आकडेवारीही जबरदस्त आहे. विराटने ऑस्ट्रेलियाविरुद्ध खेळलेल्या 24 कसोटी सामन्यांमधील 42 डावांमध्ये 1979 धावा केल्या आहेत. यादरम्यान त्याच्या बॅटमधून 8 शतक आणि 5 अर्धशतक निघाले आहेत. (Australian players praise Virat Kohli)

महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
हा तर कहरच! चाहत्याने लग्नपत्रिकेवर छापला ‘कॅप्टन कूल’चा फोटो, तुम्ही पाहिली का?
बेन स्टोक्सने रचला इतिहास! बनला 146 वर्षांच्या कसोटी क्रिकेटमध्ये ‘असा’ पराक्रम करणारा पहिलाच कॅप्टन