भारतीय संघाचा अष्टपैलू खेळाडू हार्दिक पंड्या भारतीय संघासोबत जुलै महिन्यामध्ये श्रीलंका दौऱ्यावर जाणार आहे. त्यासाठी भारतीय संघासोबतच हार्दिकही मुंबईमध्ये सध्या 14 दिवसाच्या क्वारंटाईनमध्ये आहे. भारतीय संघातील खेळाडूंसोबत त्यांच्या कुटुंबियांनाही श्रीलंका दौऱ्यावर जाण्याची परवानगी दिली आहे. 28 जूनला भारतीय संघ श्रीलंका दौऱ्यावर निघणार आहे.
या दौऱ्यावर जाण्यापूर्वीच संघाचा अष्टपैलू खेळाडू हार्दिक पंड्याने आपला लूक बदलला आहे. तो नेहमीच वेगवेगळ्या लूकमध्ये दिसत असतो. यावेळी त्याने नवीनच लूक केला आहे. नवीन लूकमधील फोटो त्याच्या हेअर ड्रेसर आलिम हकीमने आपल्या इंस्टाग्राम अकाऊंटवरून शेअर केला आहे. (Before the tour of Sri Lanka, the all-rounder of the Indian team Hardik Pandya change his look)
त्याच्या नवीन हेअर स्टाईलचा लूक सोशल मीडियावर खूपच व्हायरल होत आहे. यामध्ये हार्दिकने केस खूपच कमी केले आहेत. त्याच सोबत दाढी देखील काढलेली आहे. त्याने बाजूला एक पट्टी ही बनवली आहे. या नवीन हेअर स्टाईलमध्ये हार्दिक खूप छान दिसत आहे. त्याच्या या नवीन हेअर स्टाईलवर चाहते मजेशीर प्रतिक्रिया देत आहेत. एका युजरने लिहिले की, “काहीही करत असतो.” दुसरीकडे युजर्सनी ‘एकदम कडक’, ‘सुंदर’ यांसारख्या कमेंट्स केल्या आहेत.
अलीम सध्या बॉलिवूडमधील उच्च हेअर ड्रेसर आहे. ‘रॉकस्टार’ पासून ते ‘बर्फी’ पर्यंत रणबीर कपूरची हेअर स्टाईल आलिम हकीमने केली आहे. आलिम हकीमची स्टाईल क्रिकेटपटूंमध्येही खूप प्रसिद्ध आहे.
हार्दिक श्रीलंका दौऱ्यावर भारतीय संघासोबत जाणार आहे. या दौऱ्यात भारतीय संघाचा नियमित कर्णधार विराट कोहलीच्या अनुपस्थितीमध्ये भारतीय संघाचा भार शिखर धवनच्या हाती दिलेला आहे. तो संघाचे नेतृत्व करणार आहे. तसेच संघाचे मुख्य प्रशिक्षक राहुल द्रविड देखील या दौऱ्यावर जाणार आहेत. भारतीय संघाला श्रीलंका दौऱ्यावर ३ टी- २० आणि ३ वनडे सामन्यांची मालिका खेळायची आहे.
महत्वाच्या बातम्या-
WTC Final: कोहली अन् शास्त्रींची प्लेइंग इलेव्हनची निवड फसली? साउथम्पटनची खेळपट्टी करतेय इशारा
नादच खुळा! अश्विन- जडेजाची जोडी बनेल भारतीय संघासाठी ब्रह्मास्त्र, ३५ कसोटीत घेतल्यात ३६२ विकेट्स
भारत-न्यूझीलंड फायनलवर संकटाचे ‘काळे ढग’, पहिल्या दिवसाचा खेळ उशिरा सुरू होण्याचे संकेत
