इंग्लंडचा स्टार कसोटी कर्णधार बेन स्टोक्स आपल्या खेळामुळे नाही तर गंभीर दुखापतीमुळे चर्चेत आला आहे. सराव दरम्यान वेगवान चेंडू थेट त्याच्या चेहऱ्यावर लागल्यामुळे त्याचा उजवा डोळा सुजलेला, गाल आणि ओठांवर जखमा, नाकेत बँडेज अशी गंभीर जखमा झाल्या आहेत. स्टोक्सने स्वतः इंस्टाग्रामवर फोटो शेअर करत या दुखापतीची माहिती चाहत्यांना दिली.
स्टोक्सने फोटोसोबत मजेदार अंदाजात लिहिले, “तुम्ही क्रिकेटच्या चेंडूची अवस्था पाहायला हवी होती.” हा फोटो पाहून क्रिकेटविश्वात खळबळ उडाली, आणि चाहत्यांनी त्याला लवकर बरे व्हावे यासाठी सोशल मीडियावर शुभेच्छांचा वर्षाव केला.
34 वर्षीय स्टोक्स नुकत्याच ऑस्ट्रेलियाविरुद्ध अॅशेज मालिकेत 4-1 ने पराभव पत्करल्यानंतर इंग्लंडमध्ये परतला होता. या पराभवानंतर त्याच्या कर्णधारपदावर प्रश्नचिन्ह निर्माण झाले होते, आणि आता ही दुखापत त्याच्यासाठी आणखी आव्हानात्मक ठरू शकते.
जून महिन्यात न्यूझीलंडविरुद्ध होणाऱ्या घरच्या कसोटी मालिकेपूर्वी स्टोक्स डरहम काउंटी क्रिकेटमध्ये मैदानावर उतरणार होता. मात्र, चेहऱ्यावरील ही गंभीर दुखापत त्याच्या पुनरागमनाबाबत अनिश्चितता निर्माण करत आहे. इंग्लंडचा मुख्य प्रशिक्षक ब्रेंडन मॅक्युलम आणि वैद्यकीय टीम स्टोक्सच्या प्रकृतीवर बारकाईने लक्ष ठेवून आहे.
टी-20 वर्ल्ड कपसाठी इंग्लंडचा संघ भारतात दाखल झाला आहे, मात्र स्टोक्स स्क्वॉडमध्ये नाही, कारण त्याने व्हाईट-बॉल क्रिकेटमधून संन्यास घेतला आहे. 2022 च्या टी-20 वर्ल्ड कप विजयात स्टोक्सचा संघासाठी मोठा वाटा होता आणि अंतिम सामन्यात अर्धशतक झळकावल्यामुळे त्याला प्लेअर ऑफ द मॅच पुरस्कारही मिळाला होता.
क्रिकेट चाहत्यांसाठी ही नुसतीच एक धक्का नाही, तर स्टार खेळाडू बाजूला असतानाही संघाच्या कामगिरीवर परिणाम होऊ शकतो अशी भीती आहे.
