बुधवारी (२१ एप्रिल) सनरायझर्स हैदराबाद विरुद्ध पंजाब किंग्ज यांच्यात झालेल्या सामन्यात सनरायझर्स हैदराबाद संघाने ९ गडी राखून विजय मिळवला आहे. या सामन्यात हैदराबाद संघाच्या गोलंदाजांनी उत्कृष्ट कामगिरी केली होती. त्यांनी पंजाब किंग्ज संघाला अवघ्या १२० धावांवर सर्वबाद केले होते. परंतु या सामन्यासाठी हैदराबाद संघात टी नटराजनचा समावेश करण्यात आला नव्हता. याबाबत सामना झाल्यानंतर डेविड वॉर्नरने मोठा खुलासा केला आहे.
आयपीएल २०२० स्पर्धेत हैदराबाद संघासाठी उल्लेखनीय कामगिरी करणाऱ्या टी नटराजनला आयपीएल २०२१ स्पर्धेतील काही सामन्यांमध्ये दुखापतीमुळे संघाबाहेर राहावे लागत आहे. पंजाब किंग्ज संघाविरुद्ध झालेल्या सामन्यात त्याला संघात स्थान देण्यात आले नव्हते. यापूर्वी मुंबई इंडियन्स संघाविरुद्ध झालेल्या सामन्यात देखील त्याला खेळण्याची संधी मिळाली नव्हती. त्याच्या उजव्या गुडघ्याला दुखापत झाल्यामुळे त्याला संघाबाहेर राहावे लागले होते.
टी नटराजनबद्दल बोलताना डेविड वॉर्नर म्हणाला की, “जर यावेळेस त्याने बायो बबलमधून बाहेर जाऊन स्कॅन केले तर त्याला ७ दिवसासाठी क्वारंटाईनमध्ये राहावे लागेल. आम्ही त्याच्यावर लक्ष ठेऊन आहोत. फिजीयोदेखील प्रयत्न करत आहेत. परंतु त्याला कधी ना कधी जाऊन स्कॅन करावेच लागणार आहे.”
हैदराबाद संघाने पंजाब संघाला पराभूत करत आयपीएल २०२१ स्पर्धेतील पहिला विजय मिळवला आहे. यापूर्वी झालेल्या ३ सामन्यात त्यांना पराभवाचा सामना करावा लागला होता. तसेच नटराजनच्या बाहेर जाण्याने हैदराबाद संघाला मोठा धक्का बसू शकतो.
सनरायझर्स हैदराबाद संघाने ९ गडी राखून मिळवला विजय
या सामन्यात पंजाब किंग्ज संघाने नाणेफेक जिंकून प्रथम फलंदाजी करण्याचा निर्णय घेतला होता. परंतु हा निर्णय फसला. कारण संघातील मुख्य फलंदाजांना धावा करण्यात अपयश आले होते. या संघाकडून मयंक अगरवाल याने २२ धावा केल्या तर शाहरुख खानने देखील २२ धावा केल्या होत्या. याव्यिरिक्त कोणाला ही साजेशी कामगिरी करण्यास यश आले नाही. पंजाब संघाने १९.४ षटकात सर्वबाद १२० धावा केल्या होत्या.
या धावांचा पाठलाग करताना हैदराबाद संघाकडून आलेले सलामी फलंदाज डेविड वॉर्नर याने ३७ धावा केल्या तर बेअरस्टोने नाबाद ६३ धावांची खेळी केली होती. यासोबतच आयपीएल २०२१ स्पर्धेत आपला पहिला सामना खेळत असलेल्या विलियम्सनने नाबाद १६ धावा केल्या. हैदराबाद संघाने १८.४ षटकात हे आव्हान पूर्ण केले.
महत्त्वाच्या बातम्या –
केकेआरविरुद्ध मैदानात उतरण्यापूर्वी धोनीने गोलंदाजांना दिला होता ‘हा’ कानमंत्र, स्वतः केला खुलासा
केकेआरविरुद्ध मैदानात उतरण्यापूर्वी धोनीने गोलंदाजांना दिला होता ‘हा’ कानमंत्र, स्वतः केला खुलासा
गोलंदाज करत असलेल्या ‘या’ चूकीवर भडकले सुनील गावसकर; म्हणाले…
