जगभरातील प्रतिष्ठित टी20 लीगमध्ये इंडियन प्रीमिअर लीग स्पर्धेचा समावेश होतो. या स्पर्धेत जगभरातील अनेक तगड्या खेळाडूंचा समावेश होतो. मात्र, या स्पर्धेत असे दोन भारतीय खेळाडू आहेत, ज्यांची गणना दुर्लक्षित खेळाडूंमध्ये होते. या दोन खेळाडूंची नावे भारताचा माजी दिग्गज खेळाडू अनिल कुंबळे याने सांगितली आहेत. चला तर या जाणून घेऊयात कोण आहेत ते दुर्लक्षित केले गेलेले खेळाडू.
भारताचा माजी कर्णधार अनिल कुंबळे (Anil Kumble) याने आयपीएल (IPL) स्पर्धेतील दोन सर्वात दुर्लक्षित केले गेलेल्या खेळाडूंची नावे सांगितली आहेत. त्याने मयंक अगरवाल (Mayank Agarwal) आणि युझवेंद्र चहल (Yuzvendra Chahal) या दोन खेळाडूंना आयपीएलमधील सर्वात दुर्लक्षित भारतीय खेळाडू म्हटले. कुंबळेच्या मते चहलने ज्याप्रकारे कामगिरी केली, त्याचे श्रेय त्याला मिळत नाही.
मयंक अगरवाल याच्याबाबत बोलायचं झालं, तर तो आयपीएलमध्ये यशस्वी ठरला आहे. त्याने अनेक संघांचे प्रतिनिधित्व केले आहे. त्याने आतापर्यंत एकूण 113 सामने खेळले आहेत. यादरम्यान त्याने 2337 धावा केल्या आहेत. मयंकच्या बॅटमधून यादरम्यान 12 अर्धशतकेही निघाली आहेत. तसेच, युझवेंद्र चहल याच्याबाबत बोलायचं झालं, तर त्याने 131 सामन्यात 165 विकेट्स घेतल्या आहेत.
काय म्हणाला कुंबळे?
अनिल कुंबळे याने या दोन खेळाडूंची प्रशंसा केली. त्याने जिओ सिनेमावर बोलताना म्हटले की, “हा खूप कठीण प्रश्न आहे. अलीकडच्या काळात मी मयंक अगरवाल याला दुर्लक्षित खेळाडू म्हणेल. तसेच, गोलंदाजीमध्ये पाहिलं, तर मला वाटत नाही की, युझवेंद्र चहल याने जितके योगदान दिले आहे, त्याचे त्याला श्रेय मिळते. तो एक असा गोलंदाज आहे, ज्या संघाकडून खेळला, त्या संघाचे नशीब पालटले आहे.”
खरं तर, मयंक आयपीएल 2023 (IPL 2023) स्पर्धेत सनरायझर्स हैदराबाद संघाकडून खेळताना दिसणार आहे. आयपीएल 2023 स्पर्धेच्या लिलावादरम्यान मयंकला सनरायझर्स हैदराबाद संघाने 8.25 कोटी रुपयांमध्ये ताफ्यात सामील केले. मयंकला संघात घेण्यासाठी चार संघांनी रस दाखवला. त्यात पंजाब किंग्स, रॉयल चॅलेंजर्स बेंगलोर, चेन्नई सुपर किंग्स आणि सनरायझर्स हैदराबाद यांच्या नावाचा समावेश आहे. चेन्नईने मयंकला आपल्याकडे घेण्याचा प्रयत्न केला, परंतु हैदराबादने शेवटपर्यंत बोली लावत त्याला आपल्या ताफ्यात सामील केले. आता आगामी हंगामात मयंक कशी कामगिरी करतो, हे पाहणे महत्त्वाचे ठरणार आहे. (former indian cricketer anil kumble picks two underrated player of ipl)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
ब्रेकिंग! वनडे मालिकेतून वाईट बातमी, बलाढ्य संघाचा कर्णधार दुखापतग्रस्त, ‘या’ खेळाडूकडे नेतृत्व
आयपीएलमध्ये सॅमसन पुन्हा करणार तोडफोड! व्हिडिओ पाहून विरोधकांना फुटला घाम
