आयसीसी चॅम्पियन्स ट्रॉफी 2025 सुरू होण्यास आता काही दिवसच शिल्लक आहेत. तत्पूर्वी आयसीसीने जाहीर केलेल्या ताज्या एकदिवसीय संघ क्रमवारीत स्पर्धेचे यजमान पाकिस्तानला मोठे नुकसान सहन करावे लागले आहे. चॅम्पियन्स ट्रॉफीपूर्वी पाकिस्तान संघ घरच्या मैदानावर न्यूझीलंड आणि दक्षिण आफ्रिकेसोबत तिरंगी मालिका खेळत होता. मालिकेतील शेवटच्या सामन्यात त्यांना किवी संघाकडून 5 विकेट्सने पराभव पत्करावा लागला. यामुळे पाकिस्तानी संघाला एकदिवसीय संघ क्रमवारीतही नुकसान सोसावा लागला. यापूर्वी आयसीसीने जाहीर केलेल्या संघ क्रमवारीत पाकिस्तान संघ भारतानंतर दुसऱ्या स्थानावर होता. परंतु तो एका स्थानाने घसरला आहे.
एकदिवसीय संघ क्रमवारीत पूर्वी दुसऱ्या स्थानावर असलेला पाकिस्तान अंतिम सामन्यात न्यूझीलंडविरुद्धच्या पराभवानंतर एका स्थानाने घसरला आणि आता 107 रेटिंग गुणांसह तिसऱ्या स्थानावर पोहोचला आहे. श्रीलंकेविरुद्धच्या 2 सामन्यांच्या एकदिवसीय मालिकेत क्लीन स्वीपचा सामना करणारा ऑस्ट्रेलियन संघ पुन्हा दुसऱ्या स्थानावर पोहोचला आहे. ऑस्ट्रेलियन संघाचे 110 रेटिंग गुण आहेत. दरम्यान, तिरंगी मालिकेतील सर्व सामने जिंकणारा न्यूझीलंड 105 रेटिंग गुणांसह एकदिवसीय क्रमवारीत चौथ्या स्थानावर आहे.
भारतीय संघ गेल्या काही काळापासून एकदिवसीय संघ क्रमवारीत आपले वर्चस्व राखण्यात यशस्वी झाला आहे. ज्यामध्ये संघ पहिल्या स्थानावर आहे. टीम इंडियाचे 119 रेटिंग पॉइंट्स आहेत. त्यामुळे इतर संघांसाठी त्यांना या स्थानावरून दूर करणे सोपे काम नाही. याशिवाय, जर आपण इतर संघांच्या स्थानावर नजर टाकली तर, 2 सामन्यांच्या एकदिवसीय मालिकेत ऑस्ट्रेलियाला क्लीनस्वीप करणारा श्रीलंका 99 रेटिंग गुणांसह सहाव्या स्थानावर आहे. तर इंग्लंड सातव्या स्थानावर, बांग्लादेश आठव्या स्थानावर आणि अफगाणिस्तान नवव्या स्थानावर आहे.
हेही वाचा-
CT2025; दुबईत टीम इंडियाची कामगिरी कशी? पाहा आकडेवारी काय सांगते?
क्रिकेट चाहत्यांसाठी खुशखबर! चॅम्पियन्स ट्रॉफीपूर्वी आयसीसीनं घेतला मोठा निर्णय
Champions Trophy; ग्रुप ‘ब’ मधून कोण खेळणार सेमीफायनल? या दोन संघांचा दबदबा!
